ശ്രീനഗർ: നാഷണൽ കോൺഫറന്സ് അധ്യക്ഷ സ്ഥാനം രാജിവച്ച് ജമ്മു കാഷ്മീർ മുൻ മുഖ്യമന്ത്രി ഫാറൂഖ് അബ്ദുള്ള. പാർട്ടി അധ്യക്ഷ സ്ഥാനത്തേക്ക് ഡിസംബർ അഞ്ചിന് നടക്കുന്ന തെരഞ്ഞെടുപ്പിൽ മത്സരിക്കില്ലെന്ന് അബ്ദുള്ള വ്യക്തമാക്കി.
അധ്യക്ഷ സ്ഥാനത്തേക്ക് ഇനിയില്ലെന്ന് വ്യക്തമാക്കിയ അബ്ദുള്ള, പുതുതലമുറ മുന്നോട്ട് വരേണ്ട സമയമായെന്നും പാർട്ടി അംഗമായ ഏതൊരാൾക്കും ജനാധിപത്യപരമായ ഈ തെരഞ്ഞെടുപ്പിൽ പങ്കെടുക്കാമെന്നും പ്രസ്താവിച്ചു.
അബ്ദുള്ളയുടെ മകനും കാഷ്മീർ മുൻ മുഖ്യമന്ത്രിയുമായ ഒമർ അബ്ദുള്ളയെ താക്കോൽ സ്ഥാനത്ത് പ്രതിഷ്ഠിക്കാനുള്ള നീക്കത്തിന്റെ ഭാഗമാണ് പുതിയ തീരുമാനമെന്ന് രാഷ്ട്രീയ നിരീക്ഷകർ അഭിപ്രായപ്പെട്ടു.
ഫാറൂഖ് അബ്ദുള്ള സ്ഥാനമൊഴിഞ്ഞു
12:57 PM Nov 18, 2022 | Deepika.com