പാലക്കാട്: ഭരണത്തിലിരുന്ന് സംസ്ഥാനത്ത് അരാജകത്വം സൃഷ്ടിക്കാനുള്ള നീക്കമാണ് ഇടതുമുന്നണിയുടെ രാജ്ഭവൻ മാർച്ചെന്ന് ബിജെപി സംസ്ഥാന അധ്യക്ഷൻ കെ.സുരേന്ദ്രൻ. അഴിമതി, സ്വജനപക്ഷബാധം, സ്വർണക്കടത്ത് കേസ്, വിലക്കയറ്റം എന്നിവയിൽനിന്നു ജനശ്രദ്ധ തിരിച്ചുവിടാനുള്ള നീക്കമാണിതെന്നും സുരേന്ദ്രൻ ആരോപിച്ചു.
ഗവർണറുടെ നിലപാടിനെ ശരിവയ്ക്കുന്നതാണ് ഇന്നലെയുണ്ടായ ഹൈക്കോടതി വിധി. കുഫോസ് വിസി നിയമനം റദ്ദാക്കിയ ഹൈക്കോടതി വിധി സർക്കാരിനു തിരിച്ചടിയാണ്. ഗവർണർക്കെതിരായ സർക്കാരിന്റെ നീക്കം അപലപനീയമാണ്- സുരേന്ദ്രൻ പാലക്കാട്ട് പത്രസമ്മേളനത്തിൽ പറഞ്ഞു.
അതേസമയം, ഉന്നത വിദ്യാഭ്യാസ മേഖലയെ സംരക്ഷിക്കുക, കേരളത്തിനെതിരായ നീക്കം ചെറുക്കുക എന്നീ മുദ്രാവാക്യങ്ങളുയർത്തി എൽഡിഎഫ് സംഘടിപ്പിക്കുന്ന രാജ്ഭവൻ മാർച്ച് ചൊവ്വാഴ്ച നടക്കും.
രാജ്ഭവൻ മാർച്ച് അരാജകത്വം സൃഷ്ടിക്കാനുള്ള എൽഡിഎഫ് നീക്കം: സുരേന്ദ്രൻ
08:33 AM Nov 15, 2022 | Deepika.com