കൊച്ചി: കേരള ഫിഷറീസ് ആന്ഡ് സമുദ്ര പഠന സര്കവലാശാല (കുഫോസ്) വൈസ് ചാന്സലര് നിയമനം റദ്ദാക്കണമെന്ന ഹര്ജിയില് ഹൈക്കോടതി വിധി ഇന്ന്. വിസി നിയമനം യുജിസി മാനദണ്ഡം ലംഘിച്ചെന്ന പരാതിയിലാണ് ചീഫ് ജസ്റ്റിസ് എസ്. മണികുമാര്, ജസ്റ്റിസ് ഷാജി പി.ചാലി എന്നിവരുള്പ്പെട്ട ഡിവിഷന് ബെഞ്ച് വിധി പറയുക.
വിസി നിയമന പട്ടികയില് ഉണ്ടായിരുന്ന എറണാകുളം സ്വദേശി ഡോ. കെ.കെ. വിജയന് ആണ് ഹര്ജി നല്കിയത്. കുഫോസ് വിസി ആയി ഡോ.കെ.റിജി ജോണിനെ നിയമിച്ചത് യുജിസി ചട്ടപ്രകാരം അല്ലെന്നാണ് ഹര്ജിയിലെ വാദം.
യുജിസി മാനദണ്ഡങ്ങള് അനുസരിച്ച് ഒരു സര്വകലാശാലയില് പ്രഫസറായി പത്തുവര്ഷം പ്രവൃത്തി പരിചയം വേണമെന്നിരിക്കെ റിജി ജോണിന് മതിയായ യോഗ്യത ഇല്ലെന്നും ഒരു പാനലിന് പകരം ഒറ്റപ്പേര് മാത്രം നിര്ദേശിച്ചത് ചട്ടവിരുദ്ധമാണെന്നും ഹര്ജിയില് ആരോപിക്കുന്നു.
എന്നാല് കാര്ഷിക വിദ്യാഭ്യാസം സ്റ്റേറ്റ് ലിസ്റ്റിലുള്ളതായതിനാല് യുജിസി മാനദണ്ഡങ്ങള് കുഫോസ് വിസി നിയമനത്തിന് ബാധകമല്ലെന്നാണ് സര്ക്കാര് വാദം.
കുഫോസ് വിസി നിയമനത്തില് ഹൈക്കോടതിയുടെ നിര്ണായക വിധി തിങ്കളാഴ്ച
09:01 AM Nov 14, 2022 | Deepika.com