സെ​ന​റ്റി​ൽ ഡെ​മോ​ക്രാ​റ്റു​ക​ൾ ഭൂ​രി​പ​ക്ഷ​ത്തി​ലേ​ക്ക്

വാ​ഷിം​ഗ്ട​ൺ: അ​മേ​രി​ക്ക​ൻ പാ​ർ​ല​മെ​ന്‍റി​ന്‍റെ ഉ​പ​രി​സ​ഭ​യാ​യ സെ​ന​റ്റി​ൽ ഭൂ​രി​പ​ക്ഷം നേ​ടാ​നൊ​രു​ങ്ങി ഡെ​മോ​ക്രാ​റ്റി​ക്ക് പാ​ർ​ട്ടി. ആ​കെ​യു​ള്ള 100 സീ​റ്റി​ൽ 49 സീ​റ്റു​ക​ൾ നേ​ടി​യ ഡെ​മോ​ക്രാ​റ്റു​ക​ൾ​ക്ക് നെ​വാ​ഡ, ജോ​ർ​ജി​യ സീ​റ്റു​ക​ളി​ൽ ഒ​രെ​ണ്ണം വി​ജ​യി​ച്ചാ​ൽ വൈ​സ് പ്ര​സി​ഡ​ന്‍റ് ക​മ​ല ഹാ​രി​സി​ന്‍റെ കാ​സ്റ്റിം​ഗ് വോ​ട്ടി​ന്‍റെ പി​ന്തു​ണ​യോ​ടെ സെ​ന​റ്റി​ൽ ഭൂ​രി​പ​ക്ഷം ഉ​റ​പ്പാ​ക്കാ​നാ​കും.

അ​രി​സോ​ണ സീ​റ്റി​ൽ റി​പ്പ​ബ്ലി​ക്ക​ൻ സ്ഥാ​നാ​ർ​ഥി​യാ​യ ബ്ലേ​ക്ക് മാ​സ്റ്റേ​ഴ്സി​നെ ഡെ​മോ​ക്രാ​റ്റ് സ്ഥാ​നാ​ർ​ഥി മാ​ർ​ക്ക് കെ​ല്ലി പ​രാ​ജ​യ​പ്പെ​ടു​ത്തി​യ​തോ​ടെ​യാ​ണ് പാ​ർ​ട്ടി സെ​ന​റ്റ് ഭൂ​രി​പ​ക്ഷ​ത്തി​ന് അ​ടു​ത്തെ​ത്തി​യ​ത്. പ​ര​ന്പ​രാ​ഗ​ത റി​പ്പ​ബ്ലി​ക്ക​ൻ സം​സ്ഥാ​ന​മാ​യ അ​രി​സോ​ണ​യി​ൽ തു​ട​ർ​ച്ച​യാ​യ ര​ണ്ടാം വി​ജ​യ​മാ​ണ് ഡെ​മോ​ക്രാ​റ്റു​ക​ൾ സ്വ​ന്ത​മാ​ക്കി​യ​ത്.

വോ‌​ട്ടെ​ണ്ണ​ൽ ഇ​ഴ​യു​ന്ന നെ​വാ​ഡ​യി​ൽ ക​ടു​ത്ത പോ​രാ​ട്ട​മാ​ണ് ന​ട​ക്കു​ന്ന​ത്. ഒ​ടു​വി​ൽ ല​ഭി​ച്ച വി​വ​ര​മ​നു​സ​രി​ച്ച് സി​റ്റിം​ഗ് സെ​ന​റ്റ​ർ കാ​ത​റി​ൻ മാ​സ്റ്റോ​യെ പി​ന്ത​ള്ളി റി​പ്പ​ബ്ലി​ക്ക​ൻ സ്ഥാ​നാ​ർ​ഥി ആ​ദം ല​ക്സാ​ൾ​ട്ട് മു​ന്നി​ട്ട് നി​ൽ​ക്കു​ന്നു.

ഒ​രു സ്ഥാ​നാ​ർ​ഥി​ക്കും 50 ശതമാനം വോ​ട്ട് ല​ഭി​ക്കാ​ത്ത ജോ​ർ​ജി​യ സീ​റ്റി​ൽ ഡി​സം​ബ​ർ ആ​റി​ന് വീ​ണ്ടും വോ​ട്ടെ​ടു​പ്പ് ന​ട​ക്കും. ഫ​ലം പു​റ​ത്തുവ​രാ​നു​ള്ള ഈ ​ര​ണ്ട് സീ​റ്റു​ക​ളി​ലും വി​ജ​യി​ച്ചാ​ൽ മാ​ത്ര​മാ​ണ് റി​പ്പ​ബ്ലി​ക്ക​ൻ പാ​ർ​ട്ടി​ക്ക് സെ​ന​റ്റി​ൽ മേ​ൽ​ക്കൈ ല​ഭി​ക്കു​ക.

ജ​ന​പ്ര​തി​നി​ധി​സ​ഭ​യി​ൽ 211 സീ​റ്റു​ക​ളു​മാ​യി മു​ന്നി​ട്ടുനി​ൽ​ക്കു​ന്ന റി​പ്പ​ബ്ലി​ക്ക​ൻ പാ​ർ​ട്ടി കേ​വ​ല ഭൂ​രി​പ​ക്ഷം നേ​ടു​ന്ന​തി​ൽ നി​ന്ന് ഏ​ഴ് സീ​റ്റ് മാ​ത്രം അ​ക​ലെ​യാ​ണ്. 199 സീ​റ്റ് നേടി ശ​ക്ത​മാ​യ പോ​രാ​ട്ട​മാ​ണ് ജോ ​ബൈ​ഡ​ന്‍റെ ഡെ​മോ​ക്രാ​റ്റി​ക്ക് പാ​ർ​ട്ടി കാ​ഴ്ച​വ​ച്ച​ത്.