കൊച്ചി: കലൂർ ജവഹര്ലാല് നെഹ്റു സ്റ്റേഡിയത്തില് വെള്ളിയാഴ്ച നടക്കുന്ന ഇന്ത്യൻ സൂപ്പർ ലീഗ് മത്സരത്തില് ഫുട്ബോള് താരങ്ങളെ ഗ്രൗണ്ടിലേക്കു കൈപിടിച്ച് ആനയിക്കാന് ഊരിലെ കുരുന്നു കായികതാരങ്ങള് കൊച്ചിയിലെത്തി.
കാസര്ഗോഡ് കരിന്തലം ഏകലവ്യ മോഡല് റസിഡന്ഷ്യല് സ്പോര്ട്സ് സ്കൂളിലെ 22 ട്രൈബല് വിദ്യാര്ഥികളാണു കേരള ബ്ലാസ്റ്റേഴ്സ്-മുംബൈ സിറ്റി മത്സരത്തില് താരങ്ങളെ ഗ്രൗണ്ടിലേക്ക് ആനയിക്കുക.
എറണാകുളം നോര്ത്ത് റെയില്വേ സ്റ്റേഷനിലെത്തിയ കുട്ടികളെ സ്പോര്ട്സ് കൗണ്സില് ജില്ലാ പ്രസിഡന്റ് കൂടിയായ പി.വി ശ്രീനിജിന് എംഎല്എ പൂക്കളും മധുരവും നല്കി സ്വീകരിച്ചു.
ബ്ലാസ്റ്റേഴ്സിന്റെ കൈപിടിക്കാന് കുരുന്നു കായികതാരങ്ങളെത്തി
01:49 AM Oct 27, 2022 | Deepika.com