തിരുവനന്തപുരം: സർക്കാരുമായുള്ള പോര് കടുപ്പിച്ച് ഗവർണർ ആരിഫ് മുഹമ്മദ് ഖാൻ. ഒൻപത് സർവകലാശാലകളിലെ വിസിമാരോട് തിങ്കളാഴ്ച തന്നെ രാജിവയ്ക്കണമെന്ന് ഗവർണർ ആവശ്യപ്പെട്ടു.
യുജിസി ചട്ടം പാലിക്കാത്ത നിയമനത്തിന്റെ പേരില് സാങ്കേതിക സര്വകലാശാല വിസിയെ പുറത്താക്കിയ സുപ്രീംകോടതി ഉത്തരവിന്റെ അടിസ്ഥാനത്തിലാണ് ഗവര്ണറുടെ അസാധാരണ നീക്കം.
കേരള സര്വകലാശാല, എംജി സര്വകലാശാല, കൊച്ചി സര്വകലാശാല, ഫിഷറീസ് സര്വകലാശാല, കണ്ണൂര് സര്വകലാശാല,സാങ്കേതിക സര്വകലാശാല, ശ്രീശങ്കരാചാര്യ സംസ്കൃത സര്വകലാശാല,കാലിക്കട്ട് സര്വകലാശാല, മലയാളം സര്വകലാശാല എന്നിവടങ്ങളിലെ വിസിമാരോടാണ് രാജി ആവശ്യപ്പെട്ടിരിക്കുന്നത്.
തിങ്കളാഴ്ച രാവിലെ 11.30നുള്ളിൽ രാജിവയ്ക്കണമെന്നാണ് ആവശ്യം. ഇതിൽ അഞ്ച് വിസിമാർ ഒറ്റപേരിലുള്ള ശിപാര്ശയില് നിയമിച്ചവരാണ്. നാല് പേരുടെ നിയമനത്തിനുള്ള സെർച് കമ്മിറ്റിയിൽ അക്കാദമിക് വിദഗ്ധർ ഇല്ലെന്നും രാജ്ഭവന് വ്യക്തമാക്കി.
ഒൻപത് വിസിമാർ രാജിവയ്ക്കണം; അസാധാരണ നീക്കവുമായി ഗവർണർ
05:46 PM Oct 23, 2022 | Deepika.com