മ​ത്സ്യ​ത്തൊ​ഴിലാളി​ക​ളു​ടെ റോ​ഡ് ഉ​പ​രോ​ധ സമരം; ചാ​ക്ക ബൈ​പ്പാ​സി​ല്‍ ഗ​താ​ഗ​തം സ്തം​ഭി​ച്ചു

തിരുവനന്തപുരം: വി​ഴി​ഞ്ഞം തു​റ​മു​ഖ​നി​ര്‍​മാ​ണം നി​ര്‍​ത്തി​വ​യ്ക്ക​ണ​മെ​ന്നാ​വ​ശ്യ​പ്പെ​ട്ട് മ​ത്സ്യ​ത്തൊ​ഴിലാളി​ക​ള്‍ ന​ട​ത്തു​ന്ന റോ​ഡ് ഉ​പ​രോ​ധ സ​മ​രം തു​ട​ങ്ങി. തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ലേ​യ്ക്കു​ള്ള വ​ഴി​യാ​യ ചാ​ക്ക ബൈ​പാ​സി​ന്‍റെ താ​ഴെ​യും മു​ക​ളി​ലു​മു​ള്ള റോ​ഡ് പൂ​ര്‍​ണ​മാ​യും ഉ​പ​രോ​ധി​ച്ചു.

ഇ​വി​ടെ പോ​ലീ​സ് വാ​ഹ​ന​ങ്ങ​ള്‍ വ​ഴി​തി​രി​ച്ചു​വി​ടു​ക​യാ​ണ്. തി​രു​വ​ന​ന്ത​പു​ര​ത്ത് 6 കേ​ന്ദ്ര​ങ്ങ​ളി​ലാ​യി വ​ള്ള​ങ്ങ​ള്‍ അ​ട​ക്കം റോ​ഡി​ലി​റ​ക്കി​യാ​ണ് സ​മ​രം.

ആ​റ്റി​ങ്ങ​ൽ, പൂ​വാ​ര്‍, വി​ഴി​ഞ്ഞം, ചാ​ക്ക, സ്റ്റേ​ഷ​ന്‍​ക​ട​വ്, ഉ​ച്ച​ക്ക​ട എ​ന്നീ കേ​ന്ദ്ര​ങ്ങ​ളി​ലാ​ണ് റോ​ഡ് ഉ​പ​രോ​ധി​ച്ച് സ​മ​രം ന​ട​ക്കു​ന്ന​ത്. മ​റ്റൊ​രു മാ​ര്‍​ഗ​വും ഇ​ല്ലാ​ത്ത​തി​നാ​ലാ​ണ് സ​മ​ര​രീ​തി മാ​റ്റി​യ​തെ​ന്ന് സ​മ​ര​സ​മി​തി ക​ണ്‍​വീ​ന​ര്‍ ഫാ.​യൂ​ജി​ന്‍ പെ​രേ​ര പ​റ​ഞ്ഞു.

ക​ഴി​ഞ്ഞ 85 ദി​വ​സ​മാ​യി സ​മ​രം തു​ട​ര്‍​ന്നി​ട്ടും മ​ത്സ്യ​ത്തൊ​ഴി​ലാ​ളി​ക​ളോ​ട് നി​ഷേ​ധാ​ത്മ​ക സ​മീ​പ​ന​മാ​ണ് സ​ര്‍​ക്കാ​ര്‍ സ്വീ​ക​രി​ച്ച​ത്. ക്യാ​മ്പു​ക​ളി​ല്‍ ക​ഴി​യു​ന്ന ആ​ളു​ക​ളെ പു​ന​ര​ധി​വ​സി​പ്പാ​ന്‍ 5500 രൂ​പ സ​ര്‍​ക്കാ​ര്‍ ഏ​ക​പ​ക്ഷീ​യ​മാ​യാ​ണ് പ്ര​ഖ്യാ​പി​ച്ച​ത്.

ഇ​ത് മ​തി​യാ​യ തു​ക​യ​ല്ലെ​ന്ന പ​രാ​തി അ​റി​യി​ച്ചി​ട്ടും ന​ട​പ​ടി​യു​ണ്ടാ​യി​ല്ല. ഇ​വ​രെ ശാ​ശ്വ​ത​മാ​യി പു​ന​ര​ധി​വ​സി​പ്പി​ക്കാ​നു​ള്ള ഒ​രു ന​ട​പ​ടി​യും സ​ര്‍​ക്കാ​രി​ന്‍റെ ഭാ​ഗ​ത്തു​നി​ന്ന് ഉ​ണ്ടാ​യി​ല്ലെ​ന്നും അ​ദ്ദേ​ഹം പ​റ​ഞ്ഞു.

മ​ത്സ്യ​ത്തൊ​ഴി​ലാ​ളി​ക​ള്‍ ന​ട​ത്താ​നി​രു​ന്ന റോ​ഡ് ഉ​പ​രോ​ധ​ത്തി​ന് ക​ള​ക്ട​ര്‍ ര​ണ്ടി​ട​ങ്ങ​ളി​ല്‍ നി​രോ​ധ​നം ഏ​ര്‍​പ്പെ​ടു​ത്തി​യി​രു​ന്നു. ഇ​ത് ലം​ഘി​ച്ചും റോ​ഡ് ഉ​പ​രോ​ധം തു​ട​രു​ക​യാ​ണ്.

നി​യ​മ​വ്യ​​വ​സ്ഥ ഉ​പ​യോ​ഗി​ച്ചും സം​ഘ​ര്‍​ഷം സൃ​ഷ്ടി​ച്ചും സ​മ​ര​ത്തി​ല്‍ നി​ന്ന് പി​ന്തി​രി​പ്പി​ക്കാ​നാ​ണ് സ​ര്‍​ക്കാ​ര്‍ നീ​ക്കം. ഈ ​ശ്ര​മ​ങ്ങ​ളെ ചെ​റു​ത്തു തോ​ല്‍​പ്പി​ക്കു​മെ​ന്നും സ​മ​ര​സ​മി​തി വ്യ​ക്ത​മാ​ക്കി. 11 മ​ണി​ക്ക് മ​ത്സ്യ​ത്തൊ​ഴി​ലാ​ളി​ക​ളു​ടെ വി​വി​ധ ആ​വ​ശ്യ​ങ്ങ​ള്‍ ഉ​ന്ന​യി​ച്ച് സെ​ക്ര​ട്ടേ​റി​യ​റ്റി​ലേ​ക്ക് മാ​ര്‍​ച്ച് ന​ട​ത്തും.