തിരുവനന്തപുരം: മാസ്ക് നിർബന്ധമാക്കുന്നത് അടക്കമുള്ള വ്യവസ്ഥകൾ അടങ്ങിയ പകർച്ച വ്യാധി പ്രതിരോധ നിയമ ഭേദഗതി ഓർഡിനൻസിൽ ഗവർണർ ഒപ്പിട്ടു. മാസ്ക് വീണ്ടും നിർബന്ധമാക്കണമോ എന്ന കാര്യം ഓർഡിനൻസിന്റെ അടിസ്ഥാനത്തിൽ സർക്കാർ ഇറക്കുന്ന വിജ്ഞാപനത്തിലാകും വ്യക്തമാകുക.
പൊതുജനാരോഗ്യ ഓർഡിനൻസിന് നിയമ പ്രാബല്യം നഷ്ടമായതോടെ ഈ നിയമം നടപ്പാക്കാനാകാത്ത സാഹചര്യമായിരുന്നു. നിയമസഭയിൽ അവതരിപ്പിച്ച പൊതുജനാരോഗ്യ ബിൽ സെലക്ട് കമ്മിറ്റിയുടെ പരിഗണനയിലുമായി. ഇത് ഒഴിവാക്കാനാണ് പകരം ഓർഡിനൻസ് കൊണ്ടുവന്നത്.
1939 ലെ മദ്രാസ് പബ്ലിക് ഹെൽത്ത് ആക്ട്, 1955 ലെ ട്രാവൻകൂർ കൊച്ചിൻ പബ്ലിക് ഹെൽത്ത് ആക്ട് എന്നിവയിലെ വ്യവസ്ഥകൾകൂടി ഉൾപ്പെടുത്തിയാണ് പൊതുജനാരോഗ്യ ഓർഡിനൻസ് തയാറാക്കിയത്.
മാസ്ക് നിർബന്ധമാക്കുമോ..? പകർച്ച വ്യാധി ഓർഡിനൻസിൽ ഗവർണർ ഒപ്പിട്ടു
08:41 PM Oct 14, 2022 | Deepika.com