ന്യൂഡൽഹി: ശിവസേനയിലെ ഇരു വിഭാഗത്തിനും പുതിയ പേരുകൾ അനുവദിച്ച് കേന്ദ്ര തെരഞ്ഞെടുപ്പ് കമ്മീഷൻ. ശിവസേനയുടെ ഉദ്ധവ് താക്കറെ വിഭാഗം ഇനി മുതൽ ശിവസേന ഉദ്ധവ് ബാലാസാഹേബ് താക്കറെ എന്നറിയപ്പെടും. ഇവരുടെ പുതിയ പാർട്ടി ചിഹ്നമായി തീപ്പന്തത്തിനും തെരഞ്ഞെടുപ്പ് കമ്മീഷൻ അംഗീകാരം നൽകി.
അതേസമയം മഹാരാഷ്ട്ര മുഖ്യമന്ത്രി ഏകനാഥ് ഷിൻഡെയുടെ നേതൃത്വത്തിലുള്ള വിഭാഗത്തെ ബാലസാഹേബച്ചി ശിവസേന എന്ന പേരും തെരഞ്ഞെടുപ്പ് കമ്മീഷൻ നൽകി. ഷിൻഡെ വിഭാഗത്തിന് ചിഹ്നം അനുവദിച്ചിട്ടില്ല. ഷൻഡെ പക്ഷം മുൻപ് നിർദേശിച്ച ഗദ, ത്രിശൂലം എന്നിവ മത ചിഹ്നങ്ങളായതിനാൽ തെരഞ്ഞെടുപ്പ് കമ്മീഷൻ നിരസിച്ചിരുന്നു.
താക്കറെ, ഷിൻഡെ വിഭാഗത്തിന് പുതിയ പേരുകൾ
10:52 PM Oct 10, 2022 | Deepika.com