കൊല്ലം: തഴുത്തലയിൽ അമ്മയെയും കുഞ്ഞിനെയും വീട്ടിൽ നിന്നും ഭർതൃവീട്ടുകാർ പുറത്താക്കിയ സംഭവത്തിൽ ഇന്ന് അറസ്റ്റുണ്ടായേക്കും. അതുല്യയുടെ ഭർത്താവ് പ്രതീഷ് ലാൽ, പ്രതീഷിന്റെ അമ്മ അജിത കുമാരി, ഭർതൃസഹോദരി പ്രസീത എന്നിവർക്കെതിരെ കൊട്ടിയം പോലീസ് കേസെടുത്തിരുന്നു
ജാമ്യമില്ലാ വകുപ്പ് പ്രകാരമാണ് പോലീസ് കേസെടുത്തിരിക്കുന്നത്. സ്ത്രീധന പീഡനത്തിനും ജുവനൈൽ ജസ്റ്റിസ് ആക്ട് പ്രകാരവുമാണ് പോലീസ് കേസെടുത്തത്. അഞ്ചരവയസുകാരനെ വീടിന് പുറത്ത് നിര്ത്തിയതിനാണ് ജുവനൈൽ ജസ്റ്റിസ് ആക്ട് പ്രകാരം കേസെടുത്തത്.
100 പവൻ സ്വര്ണവും പണവും സ്ത്രീധനമായി നൽകിയിട്ടും ഭര്ത്താവും അമ്മായി അമ്മയും ഭര്തൃ സഹോദരിയും ചേര്ന്ന് കൂടുതൽ പണം കൊണ്ടുവരാൻ ആവശ്യപ്പെട്ട് നിരന്തരം പീഡിപ്പിക്കാറുണ്ടായിരുന്നുവെന്നാണ് അതുല്യയുടെ പരാതിയിൽ പറയുന്നത്.
അമ്മയെയും കുഞ്ഞിനെയും വീട്ടിൽ നിന്ന് പുറത്താക്കിയ സംഭവം; ഇന്ന് അറസ്റ്റുണ്ടായേക്കും
08:57 AM Oct 09, 2022 | Deepika.com