ന്യൂഡൽഹി: കോണ്ഗ്രസ് അധ്യക്ഷ തെരഞ്ഞെടുപ്പിന്റെ നാമനിര്ദേശ പത്രിക പിന്വലിക്കാനുള്ള അവസാന തീയതി ഇന്ന്. മത്സരത്തില് നിന്നും പിന്മാറിയേക്കുമെന്ന അഭ്യൂഹം ശശി തരൂര് തള്ളി. ഈ മാസം 17 നാണ് വോട്ടെടുപ്പ്.
ഗുജറാത്തിലും, മുംബൈയിലും പ്രചാരണത്തിനെത്തിയ മല്ലികാർജ്ജുൻ ഖാർഗെക്ക് വലിയ സ്വീകരണമാണ് പിസിസികൾ ഒരുക്കിയത്. മല്ലികാർജുൻ ഖാർഗെയ്ക്ക് നേതാക്കൾ പരസ്യ പിന്തുണ പ്രഖ്യാപിക്കുന്നതിനെതിരെ തരൂർ വിഭാഗം ഹൈക്കമാൻഡിന് രേഖാമൂലം പരാതി നൽകിയിരിക്കുകയാണ്.
ഖാർഗെ ഇന്ന് ഹൈദരാബാദിലും, വിജയവാഡയിലും പ്രചാരണം നടത്തും. ഡൽഹി, മുംബൈ എന്നിവിടങ്ങളിലാകും തരൂരിന്റെ പ്രചാരണം.
കോൺഗ്രസ് തെരഞ്ഞെടുപ്പ്; നാമനിര്ദേശ പത്രിക പിന്വലിക്കാനുള്ള അവസാന തീയതി ഇന്ന്
07:40 AM Oct 08, 2022 | Deepika.com