ദേശീയ കോണ്ഫറൻസ്
12:53 AM Feb 19, 2017 | Deepika.com
വടകര: കോളജ് ഓഫ് എൻജിനിയറിംഗിന്റെ ആഭിമുഖ്യത്തിൽ സംഘടിപ്പിക്കുന്ന ദ്വിദിന ദേശീയ കോണ്ഫറൻസ് കോഴിക്കോട് ഹോട്ടൽ ഹൈസണ് ഓഡിറ്റോറിയത്തിൽ തിങ്കൾ, ചൊവ്വ ദിവസങ്ങളിൽ നടക്കും. കോളജിലെ അപ്ലൈഡ് സയൻസ്, എംസിഎ വകുപ്പുകൾ സംയുക്തമായാണ് പരിപാടി സംഘടിപ്പിക്കുന്നത്. ഡിസ്ക്രീറ്റ് മാത്തമാറ്റിക്സ് ആൻഡ് കംപ്യൂട്ടിംഗ് എന്ന വിഷയത്തിലുള്ള സെമിനാർ ഡോ. സി.എസ്. ശ്രീധർ ഉദ്ഘാടനം ചെയ്യും. ഐഐടി. ബനാറസിലെ പ്രഫ. തൻമോയ് സോം മുഖ്യാതിഥിയായി പങ്കെടുക്കും. സെൻട്രൽ യൂനിവേഴ്സിറ്റിയിലെ ഡോ.ആർ.രാജേഷ്, ഐഐടി. ചെന്നൈയിലെ ഡോ.എൻ.നാരായണൻ, കാലിക്കട്ട് യൂനിവേഴ്സിറ്റിയിലെ ഡോ.പി.രമേശൻ എന്നിവർ പ്രബന്ധങ്ങൾ അവതരിപ്പിക്കുമെന്ന് പ്രിൻസിപ്പൽ ഡോ. ഒ.എ.ജോസഫ്, കോണ്ഫറൻസ് കോ-ഓഡിനേറ്റർമാരായ ഡോ.കെ.വി.ബബിത, ഡോ.എസ്.സുജിത്, എ.ഫാത്തിമ, ആർ.വിജയൻ എന്നിവർ വാർത്താസമ്മേളനത്തിൽ അറിയിച്ചു.