മുക്കം: തമിഴ് നാട്ടിലെ പൊള്ളാച്ചിയിൽ വച്ചുണ്ടായ വാഹനാപകടത്തിൽ കൊടിയത്തൂർ സ്വദേശി മരിച്ചു. വേരംകടവത്ത്പരേതനായ മൊയ്തീന്കുട്ടിഹാജിയുടെ മകന് വി.കെ. ഉസൻകുട്ടി (63) ആണ് മരിച്ചത്. ശനിയാഴ്ച പുലർച്ചെ 2.30 ഓടെയായിരുന്നു അപകടം. റോഡ് മുറിച്ചുകടക്കാനുള്ള ശ്രമത്തിനിടയിൽ പച്ചക്കറിയുമായി വന്ന പിക്കപ് വാൻഇടിക്കുകയായിരുന്നു. കൊടിയത്തൂരിലെ ന്യൂ ത്വഹൂർ കൂൾബാർ ഉടമയാണ്. വ്യാപാരി വ്യവസായി ഏകോപന സമിതി അംഗമായ ഇദ്ദേഹ മടങ്ങുന്ന സംഘം ഇന്നലെ രാത്രിയാണ് കൊടിയത്തൂരിൽ നിന്ന് കൊടൈക്കാനിലേക്ക് വിനോദയാത്ര പോയത്. വാഹനം പൊള്ളാച്ചിയിലെത്തിയ ഉടനെ തന്നെയാണ് അപകടം സംഭവിച്ചത്. ദീർഘകാലം തിരുവമ്പാടി പുന്നക്കൽ വ്യാപാരിയായിരുന്നു. നാല് വർഷം മുമ്പാണ് കൊടിയത്തൂരിൽ സ്ഥിരതാമസമാക്കിയത്.
മൃതദേഹം വൈകുന്നേരത്തോടെ നാട്ടിലെത്തും. ഭാര്യ: പാത്തുട്ടി ഇത്തർ മണ്ണിൽ. മക്കൾ: സാഹിറ, നൗഫൽ (മക്ക ), നൗഷാദ് (ഖത്തര്), നാസർ.
പൊള്ളാച്ചിയിൽ വാഹനാപകടത്തിൽ കൊടിയത്തൂർ സ്വദേശി മരിച്ചു
10:50 PM Feb 18, 2017 | Deepika.com