വൾണറബിലിറ്റി മാപ്പിംഗ് സമാപനവും ഡോകുമെന്ററി പ്രദർശനവും
10:06 PM Feb 12, 2017 | Deepika.com
പേരാമ്പ്ര : ചെറുവണ്ണൂർ ഗ്രാമപഞ്ചായത്ത് കുടുംബശ്രീ സിഡിഎസിന്റെ ആഭിമുഖ്യത്തിൽ നടപ്പിലാക്കുന്ന വൾണ റബിലിറ്റി മാപ്പിംഗിന്റെ സമാപനവും 'വുമൺ നെസ്സ് ' ഡോകുമെന്ററിയുടെ പ്രദർശനവും മന്ത്രി ടി.പി രാമകൃഷ്ണൻ ഉദ്ഘാടനം ചെയ്തു. ലിറ്റിൽ ഫ്ലവർ ഇംഗ്ലീഷ് മീഡിയം സ്കൂളിൽ നടന്ന ചടങ്ങിൽ ഗ്രാമ പഞ്ചായത്ത് പ്രസിഡന്റ് കെ.പി. ബിജു അധ്യക്ഷത വഹിച്ചു. ഗ്രാമ പഞ്ചായത്ത് വൈസ് പ്രസിഡന്റ് നഫീസ കൊയിലോത്ത് വൾണറബിലിറ്റി മാപ്പിംഗ് റിപ്പോർട്ട് സമർപ്പിച്ചു. ജില്ലാ മിഷൻ ഡിഎംസി കവിത, മേപ്പയ്യൂർ ഗ്രാമപഞ്ചായത്ത് പ്രസിഡന്റ് പി.കെ. റീന, പേരാമ്പ്ര ഗ്രാമപഞ്ചായത്ത് പ്രസിഡന്റ് കെ.എം. റീന, കുടുംബശ്രീ ജില്ലാ മിഷൻ എഡിഎംസി എ.സിമൊയ്തി, ജില്ലാ പഞ്ചായത്ത് മെംബർ എൻ.പി. അജിത, ബ്ലോക്ക് മെംബർമാരായ എം.കെ. സതി, നാരായണക്കുറുപ്പ്, പഞ്ചായത്ത് സ്റ്റന്റിംഗ് കമ്മിറ്റി അംഗങ്ങളായ ബി.ബി. ബിനീഷ്, വി.കെ. മോളി, കെ. കുഞ്ഞികൃഷ്ണൻ, സെക്രട്ടറി ഷാജി എം സ്റ്റീഫൻ, മണ്ഡലം വികസന മിഷൻ കൺവീനർ എം. കുഞ്ഞമ്മദ് മാസ്റ്റർ, സിഡിഎസ് മെംബർ സെക്രട്ടറി എൻ. അനിൽകുമാർ, ഗ്രാമ പഞ്ചായത്ത് മെംബർമാരായ കെ.എം. ശോഭാ , കെ.കെ. കൃഷ്ണൻ, പി.സി. നിഷ, ജമീല പുതിയോട്ടു കണ്ടി, കെ. ലതിക, രമാദേവി, ജിജി രാഘവൻ, എൻ.എം. കഞ്ഞബ്ദുള്ള, എം.പി. രാജിനി, 'ചെറുവണ്ണൂർ സർവീസ് ബാങ്ക് പ്രസിഡന്റ് എൻ.ആർ. രാഘവൻ എന്നിവർപ്രസംഗിച്ചു.