സിൽഹെത്ത്: വനിതാ ഏഷ്യാ കപ്പ് ട്വന്റി-20 യിൽ പാക്കിസ്ഥാനെതിരെ ഇന്ത്യക്ക് 138 റൺസ് വിജയലക്ഷ്യം. നിദാ ദർ പുറത്താകാതെ നേടിയ അർധ സെഞ്ചുറിയാണ് പാക്കിസ്ഥാനെ മികച്ച സ്കോറിലെത്തിച്ചത്.
37 പന്തിൽ അഞ്ച് ഫോറും ഒരു സിക്സും ഉൾപ്പെടുന്നതായിരുന്നു നിദയുടെ ഇന്നിംഗ്സ്. ക്യാപ്റ്റൻ ബിസ്മ മറൂഫ് (32) നിദയ്ക്കു മികച്ച പിന്തുണ നൽകി. ഇരുവരും ചേർന്ന് നാലാം വിക്കറ്റിൽ 58 പന്തിൽ 76 റൺസ് കൂട്ടിച്ചേർത്തു. മറ്റാർക്കും പാക് നിരയിൽ തിളങ്ങാനായില്ല.
ദീപ്തി ശർമ നാല് ഓവറിൽ മൂന്ന് വിക്കറ്റ് വീഴ്ത്തിയപ്പോൾ പൂജ വസ്ത്രാകർ നാല് ഓവറിൽ രണ്ട് വിക്കറ്റ് സ്വന്തമാക്കി. രേണു സിംഗ് ഒരു വിക്കറ്റ് നേടി.
വനിതാ ഏഷ്യാ കപ്പ്: ഇന്ത്യക്ക് 138 റൺസ് വിജയലക്ഷ്യം
02:46 PM Oct 07, 2022 | Deepika.com