മുംബൈ: പ്രമുഖ ബോളിവുഡ് നടൻ അരുണ് ബാലി (79) അന്തരിച്ചു. മുംബൈയിലെ വസതിയില് ഇന്ന് പുലർച്ചെയായിരുന്നു അന്ത്യം. മകന് അന്കുഷ് ആണ് മരണ വാര്ത്ത സ്ഥിരീകരിച്ചത്. രോഗപ്രതിരോധശേഷി ഇല്ലാതാക്കുന്ന മൈസ്തീനിയ ഗ്രാവിസ് ബാധിച്ച് ഏറെനാളായി ചികിത്സയിലായിരുന്നു.
ടിവി സീരിയല് സ്വാഭിമാനിലൂടെയാണ് അരുണ് ബാലി ശ്രദ്ധേയനായത്. ലേഖ് ടണ്ടന്റെ ടിവി ഷോ ദൂസ്ര കേവലിൽ ഷാരുഖ് ഖാന്റെ അമ്മാവന്റെ വേഷത്തിലാണ് കാമറയ്ക്കുമുന്നിൽ അരുൺ ബാലി അരങ്ങേറിയത്. തുടര്ന്ന് ചാണക്യ, സ്വാഭിമാന്, ദേശ് മേന് നികല്ല ഹോഗാ ചാന്ദ് തുടങ്ങിയ നിരവധി സീരിയലുകളില് വേഷമിട്ടു.
നിരവധി സിനിമകളിലും അഭിനയിച്ചിട്ടുണ്ട്. സൗഗന്ധ്, ലഗേ രഹോ മുന്നാ ഭായ്, 3 ഇഡിയറ്റ്, റെഡി, ബര്ഫി, കേദാര്നാഥ്, സാമ്രാട്ട് പൃഥ്വിരാജ്, ലാല് സിംഗ് ഛദ്ദ തുടങ്ങിയവയാണ് അഭിനയിച്ച സിനിമകള്. അമിതാഭ് ബച്ചനും രശ്മിക മന്ദാനയും അഭിനയിച്ച ഗുഡ്ബൈ ആണ് ഏറ്റവും അവസാനം അഭിനയിച്ച ചിത്രം.
ബോളിവുഡ് നടൻ അരുണ് ബാലി അന്തരിച്ചു
12:56 PM Oct 07, 2022 | Deepika.com