കീവ്: ഹിതപരിശോധനയിലൂടെ റഷ്യ കൂട്ടിച്ചേർത്തതായി പ്രഖ്യാപിച്ച ഖേഴ്സൺ പ്രവിശ്യയിലെ ഭൂപ്രദേശങ്ങൾ പിടിച്ചെടുത്തതായി യുക്രെയ്ൻ. ഖേഴ്സന്റെ ദക്ഷിണ, കിഴക്കൻ മേഖലകളിൽ നിന്ന് റഷ്യൻ സേന പിന്മാറിയതായും യുക്രെയ്ൻ അവകാശപ്പെട്ടു.
ഖേഴ്സന്റെ വടക്കുകിഴക്കൻ പ്രദേശങ്ങളായ നൊവൊവോക്രെസെങ്കെ, പെട്രോപാവ്ലിവ്ക എന്നിവയെ റഷ്യൻ പിടിയിൽ നിന്ന് മോചിപ്പിച്ചതായി യുക്രെയ്ൻ അറിയിച്ചു.
സുതാര്യമല്ലാത്ത നടപടികളിലൂടെ നടത്തിയ ഹിതപരിശോധനയുടെ ഫലം അംഗീകരിക്കില്ലെന്ന് പാശ്ചാത്യ ലോകം വ്യക്തമാക്കിയിരുന്നു. യുക്രെയ്ന്റെ 18% വരുന്ന ഭൂപ്രദേശം റഷ്യയോട് ചേർക്കുന്ന നിയമത്തിൽ ബുധനാഴ്ച പ്രസിഡന്റ് വ്ലാദിമിർ പുടിൻ ഒപ്പിട്ടിരുന്നു.
ഖേഴ്സണിലെ ഭൂപ്രദേശങ്ങൾ തിരികെ പിടിച്ചതായി യുക്രെയ്ൻ
10:53 AM Oct 06, 2022 | Deepika.com