ചെന്നൈ: ഡിഎംകെ ആത്മീയതയ്ക്ക് എതിരല്ല, മറിച്ച് രാഷ്ട്രീയ നേട്ടങ്ങൾക്കായി മതത്തെ ഉപയോഗിക്കുന്നതിനെയാണ് എതിർക്കുന്നതെന്നും തമിഴ്നാട് മുഖ്യമന്ത്രി എം.കെ സ്റ്റാലിൻ. മതത്തിൽ വിശ്വസിക്കുന്നവർ പറയുന്നു തന്റെ സർക്കാർ മതത്തിന് എതിരാണെന്ന്. എന്നാൽ അത് അങ്ങനെയല്ല- സ്റ്റാലിൻ പറഞ്ഞു.
ഹിന്ദു റിലീജിയസ് ആന്റ് ചാരിറ്റബിൾ എൻഡോവ്മെന്റിന്റെ നേതൃത്വത്തിൽ നടന്ന ചടങ്ങിൽ സംസാരിക്കുകയായിരുന്നു അദ്ദേഹം. തന്റെ വിമർശകർ തനിക്കും പാർട്ടിക്കും എതിരെ തെറ്റായ പ്രചാരണം നടത്തുകയാണെന്ന് സ്റ്റാലിൻ ആരോപിച്ചു.
ദ്രാവിഡ ഭരണ മാതൃക മതത്തിനും വിശ്വാസങ്ങൾക്കും എതിരാണെന്ന് മതത്തെ രാഷ്ട്രീയ നിലനിൽപ്പിനായി ഉപയോഗിക്കുന്നവർ ആരോപിക്കുന്നു. ഡിഎംകെ ആത്മീയതയ്ക്ക് എതിരല്ലെന്നും തങ്ങളുടെ രാഷ്ട്രീയ അജണ്ടകൾക്കുവേണ്ടി മതത്തെ ഉപയോഗിക്കുന്നവർക്കെതിരെയാണെന്നും ആവർത്തിക്കാൻ ആഗ്രഹിക്കുന്നു- തമിഴ്നാട് മുഖ്യമന്ത്രി പറഞ്ഞു.
തമിഴ്നാട്ടിലെ മതസംസ്കാരം അറിയുന്നവർക്ക് തന്നെ മനസിലാകുമെന്നും സ്റ്റാലിൻ കൂട്ടിച്ചേർത്തു.
മതത്തെ രാഷ്ട്രീയ നേട്ടങ്ങൾക്കായി ഉപയോഗിക്കുന്നവരെ എതിർക്കും: എം.കെ സ്റ്റാലിൻ
06:43 PM Oct 05, 2022 | Deepika.com