കോട്ദ്വാർ: ഉത്തരാഖണ്ഡിൽ അമ്പത് യാത്രക്കാരുമായി പോയ ബസ് റോഡിൽനിന്നു തെന്നി കൊക്കയിൽ പതിച്ചു. റിഖ്നിഖൽ- ബൈറോഖൽ റോഡിൽ സിംദി ഗ്രാമത്തിനരികിലാണ് സംഭവം നടന്നത്. അപകടത്തിൽ നിരവധി പേർക്ക് പരിക്കേറ്റതായാണ് റിപ്പോർട്ടുകൾ.
500 മീറ്റർ താഴ്ചയിലേക്കാണ് ബസ് പതിച്ചതെന്ന് പോലീസ് പറഞ്ഞു. പൗരി ജില്ലയിൽ നടക്കുന്ന വിവാഹത്തിൽ പങ്കെടുക്കാൻ പോയവരാണ് അപകടത്തിൽപ്പെട്ടത്. സംസ്ഥാന ദുരന്ത നിവാരണ സേനയുടെ നേതൃത്വത്തിലാണ് രക്ഷാപ്രവർത്തനം നടക്കുന്നത്.
നാട്ടുകാർ രക്ഷപ്രവർത്തനങ്ങളിൽ ഏറെ സഹകരിക്കുന്നുണ്ടെന്ന് മുഖ്യമന്ത്രി പുഷ്കർ സിംഗ് ധാമി പറഞ്ഞു. പരിക്കേറ്റ ഒമ്പത് പേരെ പൗരി ഗർവാൾ പോലീസ് ആശുപത്രിയിൽ പ്രവേശിപ്പിച്ചു.
ഉത്തരാഖണ്ഡിൽ ബസ് കൊക്കയിൽ വീണു; രക്ഷാപ്രവർത്തനം നടക്കുന്നു
07:46 AM Oct 05, 2022 | Deepika.com