ശ്രീനഗർ: ജമ്മു കാഷ്മീരിലെ ഷോപിയാൻ മേഖലയിൽ സൈന്യം ലഷ്കർ ഇ തൊയ്ബ ഭീകരനെ വധിച്ചു. നൗപോര സ്വദേശി നസീർ അഹ്മദ് ഭട്ട് ആണ് കൊല്ലപ്പെട്ടത്.
ബസ്കുചാൻ മേഖലയിൽ ഭീകരർ ഒളിച്ചിരിക്കുന്നുണ്ടെന്ന വിവരം ലഭിച്ച സൈന്യം തെരച്ചിൽ നടത്തുന്നതിനിടെയുണ്ടായ വെടിവയ്പ്പിലാണ് ഭട്ട് മരിച്ചത്.
നിരവധി കേസുകളിൽ പ്രതിയാണ് കൊല്ലപ്പെട്ട ഭട്ട് എന്ന് ജമ്മു കാഷ്മീർ എഡിജിപി വിനയ് കുമാർ അറിയിച്ചു. വെടിവയ്പ്പിനെത്തുടർന്ന് നടത്തിയ പരിശോധനയിൽ എകെ 47 തോക്ക്, ആയുധങ്ങൾ, തീവ്രസ്വഭാവമുള്ള ലഘുലേഖകൾ എന്നിവ കണ്ടെത്തിയതായും ഇദേഹം അറിയിച്ചു.
കാഷ്മീരിൽ സൈന്യം ഭീകരനെ വധിച്ചു
02:55 PM Oct 02, 2022 | Deepika.com