കണ്ണൂർ: കോടിയേരി ബാലകൃഷ്ണന്റെ നിര്യാണത്തെ തുടർന്ന് തിങ്കളാഴ്ച തലശേരി, ധർമടം, കണ്ണൂർ മണ്ഡലങ്ങളിൽ ആദരസൂചകമായി ഹർത്താൽ ആചരിക്കും. സിപിഎം മുൻ സംസ്ഥാന സെക്രട്ടറിയും പോളിറ്റ് ബ്യൂറോ അംഗവുമായിരുന്ന കോടിയേരി ബാലകൃഷ്ണൻ ശനിയാഴ്ച രാത്രിയാണ് അന്തരിച്ചത്.
കോടിയേരി ബാലകൃഷ്ണന്റെ സംസ്കാരം തിങ്കളാഴ്ച വൈകുന്നേരം പയ്യാന്പലത്ത് നടക്കും. ഭൗതിക ശരീരം ഞായറാഴ്ച രാവിലെ ചെന്നെയിൽനിന്നും എയർ ആംബുലൻസിൽ തലശേരിയിലെ കുടുംബവീട്ടിലേക്കു കൊണ്ടുപോകും.
തുടർന്ന് തലശേരി ടൗണ് ഹാളിൽ പൊതുദർശനം. സംസ്കാരം തിങ്കളാഴ്ച വൈകുന്നേരത്തോടെ പയ്യാന്പലത്ത് നടക്കും.
കോടിയേരിയോട് ആദരസൂചകമായി തിങ്കളാഴ്ച മൂന്നിടത്ത് ഹർത്താൽ
12:39 AM Oct 02, 2022 | Deepika.com