ന്യൂഡൽഹി: വടക്കുകിഴക്കൻ സംസ്ഥാനങ്ങളിലെ വിവാദ നിയമമായ അഫ്സ്പ ആറ് മാസത്തേക്ക് കൂടി നീട്ടി. നാഗാലൻഡിലെ ഒമ്പതു ജില്ലകളിലും അരുണാചൽ പ്രദേശിലെ മൂന്നു ജില്ലകളിലുമാണ് നിയമം ബാധകം.
സായുധ സേനയ്ക്കു പ്രത്യേക അധികാരം നൽകുന്ന നിയമമാണ് അഫ്സ്പ ( Armed Forces Special Powers Act). പതിറ്റാണ്ടുകളായി വടക്കു കിഴക്കൻ സംസ്ഥാനങ്ങളിലെ ജനങ്ങളുടെ ആവശ്യമായിരുന്നു കടുത്ത വ്യവസ്ഥകളുള്ള ഈ നിയമം പിൻവലിക്കുക എന്നത്. നിരവധി സമരങ്ങളും ഇതിന്റെ പേരിൽ നടന്നിരുന്നു.
വടക്കുകിഴക്കൻ സംസ്ഥാനങ്ങളിലെ പ്രശ്നബാധിത പ്രദേശങ്ങളായി കരുതപ്പെടുന്നയിടങ്ങളിൽ കഴിഞ്ഞ കുറേ വർഷങ്ങളായി എല്ലാ ആറ് മാസം കൂടുമ്പോഴും അഫ്സ്പ നിയമം നീട്ടിനൽകുകയാണ് പതിവ്.
വടക്കുകിഴക്കൻ സംസ്ഥാനങ്ങളിലെ അഫ്സ്പ നിയമം വീണ്ടും നീട്ടി
11:11 AM Oct 01, 2022 | Deepika.com