തിരുവനന്തപുരം: വിഭാഗീയതയും വ്യക്തി കേന്ദ്രീകരണ രീതിയും സിപിഐയിൽ ഇല്ലെന്നും ഇത്തരക്കാർക്ക് പാർട്ടിയിൽ സ്ഥാനമുണ്ടാകില്ലെന്നും സിപിഐ സംസ്ഥാന സെക്രട്ടറി കാനം രാജേന്ദ്രൻ. പാർട്ടി മുഖമാസികയിലെഴുതിയ ലേഖനത്തിലായിരുന്നു അദ്ദേഹത്തിന്റെ പ്രതികരണം.
അഭിപ്രായങ്ങളും നിർദേശങ്ങളും മുന്നണിയിൽ ഉന്നയിക്കുന്നതിൽ പാർട്ടി ഇതുവരെ വിട്ടുവീഴ്ച കാണിച്ചിട്ടില്ല. ഉന്നയിക്കേണ്ട കാര്യങ്ങൾ മുന്നണിയിൽ കൃത്യമായി പറയും. ചിലപ്പോൾ പരസ്യപ്രതികരണത്തിനും മടിച്ചിട്ടില്ലെന്നും കാനം അറിയിച്ചു.
പാർട്ടിയിൽ ഗ്രൂപ്പുണ്ടെന്ന മാധ്യമ പ്രചാരവേല തെറ്റാണ്. എപ്പോഴും മാധ്യമങ്ങൾക്ക് വാർത്ത ചമച്ച് കൊടുത്ത് മുന്നണിയുടെ വിശ്വാസം തകർക്കാൻ കഴിയില്ല. അഭിപ്രായങ്ങൾ തെരുവിലേക്ക് വലിച്ചിഴയ്ക്കുന്ന രീതി സിപിഐക്കില്ലെന്നും അദ്ദേഹം കൂട്ടിച്ചേർത്തു.
വിഭാഗിയതയും വ്യക്തി കേന്ദ്രീകരണ രീതിയും സിപിഐയിൽ ഇല്ല: കാനം രാജേന്ദ്രൻ
02:13 PM Sep 30, 2022 | Deepika.com