ന്യൂഡൽഹി: സംരക്ഷിത വനമേഖലയ്ക്കു ചുറ്റും ഒരു കിലോമീറ്റർ ബഫർ സോണ് വേണമെന്നുള്ള സുപ്രീംകോടതി വിധിക്കെതിരെ പുനഃപരിശോധനാ ഹർജി നൽകി കേന്ദ്ര വനം- പരിസ്ഥിതി മന്ത്രാലയം.
ദേശീയ ഉദ്യാനങ്ങൾക്കും വന്യജീവി സങ്കേതങ്ങളുടെയും ഒരു കിലോമീറ്റർ ചുറ്റളവിൽ ബഫർ സോണ് വേണമെന്നും ഈ പ്രദേശത്ത് നിരോധിത പ്രവർത്തനങ്ങൾ തടയുന്നതിനായുള്ള കേന്ദ്ര വനം പരിസ്ഥിതി മന്ത്രാലയത്തിന്റെ 2011 ഫെബ്രുവരിയിലെ മാർഗനിർദേശങ്ങൾ കർശനമായും പാലിക്കണമെന്നും നിഷ്കർഷിക്കുന്ന ബഫർ സോണ് വിധിയിലെ 44 എ,
വന്യജീവി സങ്കേതങ്ങളുടെ ബഫർ സോണ് ചുറ്റളവിൽ ആരംഭിച്ചിട്ടുള്ള നിരോധിതമല്ലാത്ത പ്രവർത്തനങ്ങൾ തുടരുന്നതിന് സംസ്ഥാനങ്ങളുടെയും കേന്ദ്ര ഭരണപ്രദേശങ്ങളുടെയും ചീഫ് കണ്സർവേറ്റർ ഓഫ് ഫോറസ്റ്റിന്റെ അനുമതി വേണമെന്നും നിഷ്കർഷിക്കുന്ന 44 ഇ ഭാഗങ്ങളിൽ വ്യക്തത വരുത്തണമെന്നാണ് കേന്ദ്രസർക്കാർ പുനഃപരിശോധന ഹർജിയിലൂടെ ആവശ്യപ്പെട്ടിരിക്കുന്നത്.
ബഫർ സോണ് വിധി പുനഃപരിശോധിക്കണമെന്ന് കേന്ദ്രം സുപ്രീംകോടതിയിൽ
08:45 PM Sep 07, 2022 | Deepika.com