ചെന്നൈ: രാഹുൽ ഗാന്ധി നയിക്കുന്ന കോൺഗ്രസിന്റെ ഭാരത് ജോഡോ യാത്രക്ക് കന്യാകുമാരിയിൽ തുടക്കമായി. പ്രാർത്ഥനായോഗത്തിനുശേഷം ഗാന്ധി സ്മൃതി മണ്ഡപത്തിൽവച്ച് തമിഴ്നാട് മുഖ്യമന്ത്രി എം.കെ. സ്റ്റാലിനിൽ നിന്നും പതാക രാഹുൽ ഗാന്ധി ഏറ്റുവാങ്ങിയതോടെയാണ് യാത്രക്ക് തുടക്കമായത്.
ഭാരത് ജോഡോ യാത്ര ഇന്ത്യൻ രാഷ്ട്രീയത്തിന്റെ നവോത്ഥാനത്തിന്റെ നിമിഷമാണെന്ന കോൺഗ്രസ് അധ്യക്ഷ സോണിയാ ഗാന്ധിയുടെ സന്ദേശം വേദിയിൽ വായിച്ചു.എഐസിസി ജനറല് സെക്രട്ടറി കെ.സി. വേണുഗോപാല്, രാജസ്ഥാന് മുഖ്യമന്ത്രി അശോക് ഗെഹ്ലോട്ട് തുടങ്ങിയ നേതാക്കളും രാഹുല് ഗാന്ധിക്കൊപ്പമുണ്ട്.
150 ദിവസം നീളുന്ന പദയാത്ര 12 സംസ്ഥാനങ്ങളിലൂടെ കടന്നുപോകും. ജാഥയുടെ ഭാഗമായി രാജ്യത്തെ 22 നഗരങ്ങളില് റാലികള് സംഘടിപ്പിക്കും.
സ്റ്റാലിനിൽ നിന്നും രാഹുൽ പതാകയേറ്റുവാങ്ങി; ഭാരത് ജോഡോ യാത്രയ്ക്ക് തുടക്കം
06:21 PM Sep 07, 2022 | Deepika.com