കുന്നംകുളം: മുഖ്യമന്ത്രിയുടെ വാഹനവ്യൂഹത്തിനു നേരെ കേച്ചേരിയിൽ യൂത്ത് കോൺഗ്രസ് പ്രവർത്തകർ കരിങ്കൊടി കാട്ടി. രാത്രി ഏഴരയോടെയാണ് സംഭവം. യൂത്ത് കോണ്ഗ്രസ് പ്രവർത്തകരായ മുബാറക്ക് കേച്ചേരി, ഗ്രീഷ്മ സുരേഷ്, ധനേഷ് എന്നിവരാണ് വാഹനവ്യൂഹത്തിനു നേരെ കരിങ്കൊടിയുമായി ഓടിയെടുത്തത്.
ഓടിയെത്തിയ പോലീസ് ഇവരെ തടഞ്ഞുനിർത്തി കസ്റ്റഡിയിലെടുത്തു. ജില്ലാ അതിർത്തിയായ കല്ലുംപുറം മുതൽ തൃശൂർ വരെ പ്രധാന റോഡുകളിലെല്ലാം പോലീസിനെ വിന്യസിച്ചിരുന്നു. ഇതിനെ മറികടന്നാണ് കേച്ചേരിയിലെ പ്രതിഷേധം.
കുന്നംകുളത്തു പ്രതിഷേധം ഉണ്ടാകുമെന്ന സൂചനയെ തുടർന്ന് മണ്ഡലം കോണ്ഗ്രസ് പ്രസിഡന്റ് ബിജു സി. ബേബി, മുൻ കൗണ്സിലർ പി.ഐ. തോമസ്, യൂത്ത് കോണ്ഗ്രസ് ഭാരവാഹി റോഷിത് രവി എന്നിവരെ പോലീസ് നേരത്തെ കരുതൽ തടവിലെടുത്തിരുന്നു.
കുന്നംകുളത്ത് മുഖ്യമന്ത്രിക്കെതിരെ കരിങ്കൊടി
11:16 PM Jul 28, 2022 | Deepika.com