കോൽക്കത്ത: അധ്യാപകനിയമന അഴിമതിക്കേസില് അറസ്റ്റിലായ പശ്ചിമബംഗാള് വ്യവസായമന്ത്രി പാര്ഥ ചാറ്റര്ജിയുടെ അടുത്ത സുഹൃത്ത് നടി അർപിത മുഖർജിയുടെ വീട്ടിൽനിന്നും വീണ്ടും പണം പിടികൂടി. സ്വർണവും സ്വർണ ബാറുകളും ഉൾപ്പെടെ 20 കോടിയാണ് എൻഫോഴ്സ്മെന്റ് ഡയറക്ടറേറ്റ് പിടിച്ചെടുത്തത്. നേരത്തെ അർപിതയുടെ വീട്ടിൽനിന്നും 20 കോടി പിടിച്ചെടുത്തിരുന്നു.
പാര്ഥ ചാറ്റര്ജിയും അർപിതയുമായും ബന്ധപ്പെട്ട 15 ഇടങ്ങളില് കൂടി ഇഡി റെയ്ഡ് നടത്തി. അർപിതയുടെ വീട്ടിൽനിന്ന് കൂടുതൽ രേഖകളും ഇഡിക്ക് ലഭിച്ചു. കഴിഞ്ഞയാഴ്ച നടത്തിയ റെയ്ഡിൽ ഡെയറി കണ്ടെടുത്തിരുന്നു.
കേസിൽ നിർണായകമായേക്കാവുന്ന നിരവധി തെളിവുകൾ ഡെയറിയിലുണ്ടെന്ന് ഇഡി പറയുന്നു. ശനിയാഴ്ചയാണ് പാര്ഥ ചാറ്റര്ജിയും അർപിതയും അറസ്റ്റിലായത്.
വിടാതെ ഇഡി: അർപിത മുഖർജിയുടെ വീട്ടിൽനിന്നും 20 കോടി പിടിച്ചെടുത്തു
01:59 AM Jul 28, 2022 | Deepika.com