ലക്നോ: യുപിയിലെ പൂര്വാഞ്ചല് എക്സ്പ്രസ് വേയില് ഡബിള് ഡക്കര് ബസുകള് കൂട്ടിയിടിച്ച് എട്ട് പേര് മരിച്ചു. 20 പേര്ക്ക് പരിക്കേറ്റു. ഇതിൽ മൂന്നു പേരുടെ നില ഗുരുതരമാണ്.
ലക്നോവില് നിന്നു 30 കിലോമീറ്റര് അകലെ ബരബാങ്കി ജില്ലയിലാണ് അപകടമുണ്ടായത്. ഒരേ സ്ഥലത്തേക്ക് പോവുകയായിരുന്ന ബസുകള് തമ്മില് കൂട്ടിയിടിച്ചാണ് അപകടമുണ്ടായത്. ഡല്ഹിയില്നിന്നു ബിഹാറിലേക്ക് പോവുകയായിരുന്ന ബസുകളാണ് അപകടത്തില്പെട്ടത്.
പരിക്കേറ്റവരെ സമീപത്തെ ആശുപത്രിയില് പ്രവേശിപ്പിച്ചു. ഗുരുതരമായി പരിക്കേറ്റ മൂന്നു പേരെ ലക്നോവിലെ ആശുപത്രിയിലേക്ക് മാറ്റി.
യുപിയിലെ എക്സ്പ്രസ് വേയില് ബസുകള് കൂട്ടിയിടിച്ച് എട്ട് മരണം
11:06 AM Jul 25, 2022 | Deepika.com