ന്യൂഡൽഹി: ഇന്ത്യയിലെ യോഗ്യരായ നാലു കോടിയാളുകൾ കോവിഡ്-19 വാക്സിന്റെ ആദ്യ ഡോസ് എടുത്തിട്ടില്ലെന്ന് ആരോഗ്യ മന്ത്രാലയം. കോവിഡ് വാക്സിൻ എടുക്കാത്ത ആളുകളുടെ എണ്ണവും ശതമാനത്തെയും കുറിച്ചുള്ള ചോദ്യത്തിന് മറുപടിയായി കേന്ദ്ര സഹമന്ത്രി ഭാരതി പ്രവീണ് പവാറാണ് ലോക്സഭയിൽ ഇക്കാര്യം വ്യക്തമാക്കിയത്.
ജൂലൈ 18 വരെയുള്ള കണക്കാണിത്. അതേസമയം ഇന്ത്യയിലെ 98 ശതമാനം പേർ ഒരു ഡോസും 90 ശതമാനം പേർ പൂർണ്ണമായും വാക്സിനേഷൻ സ്വീകരിച്ചിട്ടുണ്ടെന്നും രേഖാമൂലമുള്ള മറുപടിയിൽ മന്ത്രി ലോക്സഭയിൽ പറഞ്ഞു.
കോവിഡ് വാക്സിനേഷൻ സെന്ററുകളിൽ നിന്ന് 1,78,38,52,566 വാക്സിൻ ഡോസുകൾ സൗജന്യമായി നൽക്കിയെന്നും ആരോഗ്യ മന്ത്രി അറിയിച്ചു.
സ്വാതന്ത്ര്യ ദിനാഘോഷത്തിന്റെ ഭാഗമായി കോവിഡ് വാക്സിനേഷൻ അമൃത് മഹോതവ്’ എന്ന പേരിൽ ജൂലൈ 15 മുതൽ 75 ദിവസത്തേക്ക് കേന്ദ്ര സർക്കാർ സൗജന്യമായി ബൂസ്റ്റർ ഡോസുകൾ നൽക്കി വരുന്നുണ്ട്.
രാജ്യത്ത് കോവിഡ് വാക്സിൻ എടുക്കാതെ നാല് കോടി ജനങ്ങൾ
06:56 PM Jul 23, 2022 | Deepika.com