റാഞ്ചി: മാധ്യമവിചാരണയ്ക്കെതിരെ രൂക്ഷവിമര്ശനവുമായി സുപ്രീംകോടതി ചീഫ് ജസ്റ്റിസ് എന്.വി രമണ. മാധ്യമങ്ങള് കങ്കാരു കോടതികളാകുന്നെന്നാണ് വിമര്ശനം.
ജാര്ഖണ്ഡിലെ റാഞ്ചിയില് നടന്ന വിദ്യാഭ്യാസ പരിപാടിയിലാണ് ചീഫ് ജസ്റ്റിസിന്റെ വിമര്ശനം. മാധ്യമവിചാരണകള്ക്ക് കേസുകളില് തീരുമാനമെടുക്കുന്ന കാര്യത്തിൽ കോടതിക്ക് വഴികാട്ടിയാകാന് കഴിയില്ല. എന്നാല് മാധ്യമങ്ങള് കങ്കാരു കോടതികളാകുന്നതുകൊണ്ട് പരിചയസമ്പന്നരായ ജഡ്ജിമാര് പോലും തീരുമാനമെടുക്കാന് ബുദ്ധിമുട്ടുകയാണ്.
മാധ്യമങ്ങളിലെ നിക്ഷിപ്ത അജണ്ടകളിലുള്ള ചര്ച്ചകള് നീതിന്യായ വ്യവസ്ഥയെ തന്നെ ബാധിക്കുന്നു. മാധ്യമങ്ങള് തങ്ങളുടെ ഉത്തരവാദിത്വം ലംഘിക്കുന്നതിലൂടെ, ജനാധിപത്യത്തെ രണ്ടടി പിന്നോട്ട് കൊണ്ടുപോവുകയാണ് ചെയ്യുന്നതെന്നും അദ്ദേഹം പറഞ്ഞു.
മാധ്യമങ്ങള് കങ്കാരു കോടതികളാകുന്നെന്ന് ചീഫ് ജസ്റ്റിസ്
03:52 PM Jul 23, 2022 | Deepika.com