ഹത്രാസ്: ഉത്തര്പ്രദേശില് തീര്ഥാടക സംഘത്തിന് മേല് ട്രക്ക് ഇടിച്ചുകയറിയ സംഭവത്തില് ഗുരുതര പരിക്കേറ്റ ഒരാള് കൂടി മരിച്ചു. ഇതോടെ മരണസംഖ്യ ആറായി.
അഞ്ചുപേർ സംഭവസ്ഥലത്തുവച്ചുതന്നെ മരിച്ചിരുന്നു. സാരമായി പരിക്കേറ്റ ഒരാള് ആശുപത്രിയില് ചികിത്സയിലാണ്.
ഹത്രാസ് ജില്ലയില് ഇന്ന് പുലര്ച്ചെ 2.15 ഓടെയാണ് അപകടം. കാല്നട തീര്ഥാടക സംഘത്തിന് മേലാണ് അമിതവേഗത്തില് എത്തിയ ട്രക്ക് ഇടിച്ചു കയറിയത്. ഹരിദ്വാറില് നിന്ന് ഗ്വാളിയറിലേക്ക് മടങ്ങുകയായിരുന്ന സംഘമാണ് അപകടത്തില്പ്പെട്ടത്.
അപകടത്തെക്കുറിച്ച് വിശദമായ അന്വേഷണമാരംഭിച്ചിട്ടുണ്ടെന്നു ജില്ലാ ഭരണകൂടം അറിയിച്ചു. ഒളിവില് പോയ ട്രക്ക് ഡൈവറെ ഇതുവരെ കണ്ടെത്താനായിട്ടില്ല.
തീര്ഥാടക സംഘത്തിന് മേല് ട്രക്ക് ഇടിച്ചുകയറിയ സംഭവം: ഒരാള് കൂടി മരിച്ചു
10:35 AM Jul 23, 2022 | Deepika.com