കോഴിക്കോട്: കോഴിക്കോട് വടകരയിൽ പോലീസ് കസ്റ്റഡിയിലിരിക്കെ യുവാവ് കുഴഞ്ഞ് വീണ് മരിച്ച സംഭവത്തിൽ പോലീസിനെതിരെ ഗുരുതര ആരോപണവുമായി സുഹൃത്തുക്കൾ. വാഹനാപകടവുമായി ബന്ധപ്പെട്ട് പോലീസ് സ്റ്റേഷനില് എത്തിയ തങ്ങളോട് വടകര എസ്ഐ മോശമായി പെരുമാറിയെന്ന് സുഹൃത്ത് ജുബൈര് ആരോപിച്ചു.
സജീവനെയും തന്നെയും മര്ദിച്ചു. കുഴഞ്ഞു വീണിട്ട് പോലും തിരിഞ്ഞു നോക്കിയില്ലെന്നും ജുബൈര് കുറ്റപ്പെടുത്തി.
പോലീസ് സ്റ്റേഷനിൽ കുഴഞ്ഞു വീണ സജീവനെ ആശുപത്രിയിലാക്കാൻ സഹായം അഭ്യർഥിച്ചുവെങ്കിലും അവർ കൈയൊഴിയുകയായിരുന്നുവെന്ന് സുഹൃത്ത് അനീഷ് പറഞ്ഞു. പോലീസ് സജീവനെ മർദിച്ചു. പോലീസ് സ്റ്റേഷനിൽ 45 മിനിട്ടോളം ഇരുത്തി. ദേഹാസ്വാസ്ഥ്യം ഉണ്ടെന്ന് പറഞ്ഞുവെങ്കിലും പോലീസ് ഗൗനിച്ചില്ലെന്നും അനീഷ് വ്യക്തമാക്കി.
കസ്റ്റഡിയിലിരിക്കെ യുവാവ് മരിച്ച സംഭവം; പോലീസിനെതിരെ ഗുരുതര ആരോപണം
09:04 AM Jul 22, 2022 | Deepika.com