ന്യൂഡല്ഹി: കേന്ദ്രസര്ക്കാരിന്റെ ജിഎസ്ടി നിരക്കു വര്ധനയെ പരിഹസിച്ചുകൊണ്ട് പുതിയ ട്രോള് പങ്കുവച്ച് കോണ്ഗ്രസ് എംപി ശശി തരൂര്. ട്വിറ്ററിലൂടെയാണ് തരൂര് തമാശ പങ്കുവച്ചത്.
പനീറിനു 5 ശതമാനം ജിഎസ്ടിയും, ബട്ടറിനു 12 ഉം മസാലയ്ക്ക് 5 ശതമാനവുമാണ് ജിഎസ്ടി. അങ്ങനെയെങ്കില് പനീര് ബട്ടര് മസാലയുടെ ജിഎസ്ടി എത്രയെന്ന് കണ്ടുപിടിക്കാനാകും പുതിയ കണക്കു പരീക്ഷയിലെ ചോദ്യമെന്നായിരുന്നു തരൂര് പങ്കുവച്ച തമാശ.
ഇത്രയും ബുദ്ധിപരമായ തമാശ സൃഷ്ടിച്ചത് ആരെന്നറിയില്ല. പക്ഷേ ജിഎസ്ടി വരുമാനത്തിനു പിന്നിലെ വിഡ്ഢിത്തം എടുത്തുകാണിക്കുന്നതാണ് ഈ ട്രോളെന്നും തരൂര് ട്വീറ്റ് ചെയ്തു.
തിങ്കളാഴ്ച ജിഎസ്ടി നിരക്കു വര്ധന പ്രാബല്യത്തില് വന്നതിനു പിന്നാലെയാണ് ഇതിനെ വിമര്ശിച്ചു സാമൂഹ്യമാധ്യങ്ങളില് ട്രോളുകള് നിറഞ്ഞത്.