യുജിൻ: ലോക അത്ലറ്റിക്സ് ചാമ്പ്യൻഷിപ്പ് പുരുഷ വിഭാഗം 3,000 മീറ്റർ സ്റ്റീപ്പിൾ ചേസിൽ ഇന്ത്യയുടെ അവിനാശ് സാബ്ലെയ്ക്ക് മെഡലില്ല. എട്ട് മിനിറ്റ് 31 സെക്കൻഡിൽ ഫൈനൽ പൂർത്തിയാക്കിയ സാബ്ലെ 11-ാം സ്ഥാനം നേടി.
മൊറോക്കോയുടെ ഒളിംപിക് ചാന്പ്യൻ സുഫിയാൻ എൽ ബക്കാലി 8:25.13 എന്ന സമയം കുറിച്ച് സ്വർണം നേടി. എത്യോപയുടെ ലമേച്ച ഗിർമ വെള്ളിയും കെനിയൻ താരം കൊണ്സെസ്ലസ് കിപ്രുറ്റോ വെങ്കലവും കരസ്ഥമാക്കി.
3,000 മീറ്റർ സ്റ്റീപ്പിൾ ചേസിൽ ദേശീയ റെക്കോർഡിന് ഉടമയായ സാബ്ലെ 8:18.75 എന്ന സമയം കുറിച്ച് ഏഴാമനായിയാണ് ഫൈനലിന് യോഗ്യത നേടിയത്. എന്നാൽ ഈ മികവ് ഫൈനലിൽ ആവർത്തിക്കാൻ താരത്തിനായില്ല.
ലോക അത്ലറ്റിക്സ് ചാമ്പ്യൻഷിപ്പ്: സാബ്ലെയ്ക്ക് നിരാശ
12:43 PM Jul 19, 2022 | Deepika.com