തിരുവനന്തപുരം: ഇന്ദുലേഖ എന്ന ചിത്രത്തിലെ നായകകഥാപാത്രത്തെ അവതരിപ്പിച്ച നടന് രാജ്മോഹന്(88) അന്തരിച്ചു. തിരുവന്തപുരം ജനറല് ആശുപത്രിയിലായിരുന്നു അന്ത്യം. മൃതദേഹം ഏറ്റുവാങ്ങാന് ആളില്ലാത്തതിനാല് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.
ഒ.ചന്തുമോനോന്റെ ഇന്ദുലേഖ എന്ന നോവല് ആസ്പദമാക്കി പുറത്തിറങ്ങിയ ചിത്രത്തിലെ നായകനായിരുന്നു രാജ്മോഹന്. 1967-ല് പുറത്തിറങ്ങിയ ചിത്രം സംവിധാനം ചെയ്തത് കലാനിലയം കൃഷ്ണന്നായരായിരുന്നു. അദ്ദേഹത്തിന്റെ മരുമകനായിരുന്നു രാജ്മോഹന്.
വിവാഹബന്ധം ഉപേഷിച്ചതിന് ശേഷം സിനിമയില് നിന്നും പൂര്ണമായി ഒഴിവായി. പിന്നീടുള്ള കാലം പുലയനാര്കോട്ടയിലുള്ള അനാഥലയത്തിലായിരുന്നു ജീവിച്ചത്. ജൂലൈ ആദ്യവാരം ആശുപത്രിയില് പ്രവേശിപ്പിച്ച രാജ്മോഹന് ഞായറാഴ്ചയാണ് അന്തരിച്ചത്.
"ഇന്ദുലേഖ' നായകന് രാജ്മോഹന് അന്തരിച്ചു; മൃതദേഹം ഏറ്റുവാങ്ങാന് ആളില്ല
04:43 PM Jul 18, 2022 | Deepika.com