ആലപ്പുഴ: കിഫ്ബിയിലെ സാമ്പത്തിക ഇടപാടുകളുമായി ബന്ധപ്പെട്ട് ഇഡി നോട്ടീസ് കിട്ടിയിട്ടില്ലെന്ന് മുൻ ധനമന്ത്രി തോമസ് ഐസക്ക്. ഇനി നോട്ടീസ് കിട്ടിയാലും ഇഡിക്ക് മുന്നിൽ ഹാജരാകില്ല. ഇതിലും പ്രധാനപ്പെട്ട ചില കാര്യങ്ങൾ തനിക്ക് ചെയ്യാനുണ്ട്. വേണമെങ്കിൽ ഇഡിക്ക് തന്നെ അറസ്റ്റ് ചെയ്യാമെന്നും തോമസ് ഐസക്ക് പ്രതികരിച്ചു.
കിഫ്ബിയിലെ സാമ്പത്തിക ഇടപാടുകളുമായി ബന്ധപ്പെട്ട് ചൊവ്വാഴ്ച ഇഡി ഓഫീസിൽ ഹാജരാകണമെന്നാണ് തോമസ് ഐസക്കിനോട് ആവശ്യപ്പെട്ടിരിക്കുന്നത്. കിഫ്ബി വിദേശനാണയ വിനിമയ ചട്ടം ലംഘിച്ചെന്ന പരാതിയിലാണ് അന്വേഷണം.
കിഫ്ബിയുടെ ചെയര്മാന് മുഖ്യമന്ത്രി പിണറായി വിജയനും വൈസ് ചെയര്മാന് ധനമന്ത്രിയായിരുന്ന തോമസ് ഐസക്കുമായിരുന്നു. ഈ നിലയിലാണ് ഇപ്പോള് ഐസക്കിനോട് ചോദ്യം ചെയ്യലിന് ഹാജരാകാൻ ആവശ്യപ്പെട്ടിരിക്കുന്നത്.
ഇഡിയുടെ നോട്ടീസ് കിട്ടിയാലും ഹാജരാകില്ലെന്ന് തോമസ് ഐസക്ക്
11:38 PM Jul 17, 2022 | Deepika.com