ന്യൂഡല്ഹി: എം.എം.മണിയുടെ പരാമര്ശത്തിന് മറുപടിയുമായി സിപിഐ വനിതാ നേതാവ് ആനി രാജ. എം.എം.മണിയുടെ പ്രസ്താവന അങ്ങയറ്റം സ്ത്രീവിരുദ്ധവും അപലപനീയവുമാണ്. അവേഹേളനം ശരിയോ എന്ന് മണിയെ ഉള്ക്കൊള്ളുന്ന രാഷ്ട്രീയ പ്രസ്ഥാനം ആലോചിക്കണമെന്നും ആനി രാജ പറഞ്ഞു.
കേരളത്തില് നിന്ന് സ്ത്രീപക്ഷ ബാലപാഠങ്ങള് പഠിച്ചുകൊണ്ടാണ് ഡല്ഹിലേക്ക് വന്നത്. ദേശീയ മഹിളാ ഫെഡറേഷന്റെ ജനറല് സെക്രട്ടറി എന്ന നിലയില് സ്ത്രീപക്ഷ രാഷ്ട്രീയം ഉയര്ത്തിപിടിക്കുകയാണ് തന്റെ ഉത്തരവാദിത്വം. ഡല്ഹിയിലായാലും വിദേശത്ത് നിന്നായാലും അത് ചെയ്യുമെന്നും ആനി രാജ പറഞ്ഞു.
ആര്എസ്എസിന്റെയും ബിജെപിയുടെയും പോലീസിനെ ഭയക്കാതെയാണ് മുന്നോട്ട് പോകുന്നത്. അതുകൊണ്ടു ഭയപ്പെടുത്താമെന്ന് കരുതേണ്ടെന്നും അവര് പറഞ്ഞു.
ആനി രാജ കേരള നിയമസഭയില് അല്ലല്ലോ പ്രവര്ത്തിക്കുന്നത്. ഡല്ഹിയിലാണല്ലോ അവര് ഉണ്ടാക്കുന്നതെന്നായിരുന്നു മണിയുടെ പരാമര്ശം.
എം.എം.മണിയുടെ പ്രസ്താവന അപലപനീയം;സ്ത്രീപക്ഷ രാഷ്ട്രീയം ഉയര്ത്തിപിടിക്കുമെന്നും ആനി രാജ
02:35 PM Jul 16, 2022 | Deepika.com