മോസ്കോ: യുക്രെയ്ൻ- റഷ്യ സംഘർഷം രൂക്ഷമായിരിക്കെ യുദ്ധവിരുദ്ധ പ്രസംഗം നടത്തിയെന്ന് ആരോപിച്ച് റഷ്യൻ പുരോഹിതനെ പോലീസ് അറസ്റ്റ് ചെയ്തു. ഫാ. ജോൺ ബർഡിനെയാണ് റഷ്യൻ പോലീസ് തടങ്കലിലാക്കിയിരിക്കുന്നതെന്ന് ബിബിസി റിപ്പോർട്ട് ചെയ്തു.
ഞായറാഴ്ച കരാബനോവോ ഗ്രാമത്തിലെ ഒരു ചെറിയ കൂട്ടായ്മയിൽ പ്രസംഗിച്ചതിന് തൊട്ടുപിന്നാലെയാണ് നടപടിയുണ്ടായത്. യുക്രെയ്നിൽ നടന്നുകൊണ്ടിരിക്കുന്ന ഷെല്ലാക്രമണത്തെക്കുറിച്ച് വിവരിക്കുകയും ഇടവകയുടെ വെബ്സൈറ്റിൽ യുദ്ധവിരുദ്ധ ചിത്രങ്ങൾ നൽകിയെന്നുമാണ് ആരോപണം.
റഷ്യൻ സായുധ സേനയുടെ നീക്കത്തെ അപകീർത്തിപ്പെടുത്തി എന്ന കുറ്റമാണ് അദ്ദേഹത്തിനെതിരേ ചുമത്തിയിരിക്കുന്നത്. റഷ്യയിൽ യുക്രെയ്നിനെതിരായ യുദ്ധത്തെക്കുറിച്ച് സംസാരിക്കരുതെന്നും പ്രതിഷേധങ്ങൾ പാടില്ലെന്നും ഭരണകൂടം കഴിഞ്ഞയാഴ്ച ഉത്തരവ് പുറപ്പെടുവിച്ചിരുന്നു.
യുദ്ധത്തെക്കുറിച്ച് ഒരക്ഷരം മിണ്ടരുത്..! റഷ്യയിൽ പുരോഹിതൻ അറസ്റ്റിൽ
10:41 AM Mar 07, 2022 | Deepika.com