മെക്സിക്കോ സിറ്റി: മെക്സിക്കോയിൽ ഫുട്ബോൾ മത്സരത്തിനിടെ ഇരുടീമിന്റെയും ആരാധകർ തമ്മിൽ ഏറ്റുമുട്ടി. ലിഗ എംഎക്സിൽ ക്വെറെറ്റാരോയും അറ്റ്ലസും തമ്മിലുള്ള മത്സരത്തിനിടെയാണ് സംഭവം. ഏറ്റുമുട്ടൽ തുടർന്നതോടെ 63-ാം മിനിറ്റിൽ മത്സരം ഉപേക്ഷിച്ചു.
മത്സരം നിർത്തിവെച്ചപ്പോൾ സന്ദർശകരായ അറ്റ്ലസ് 1-0ന് മുന്നിൽ എത്തിയിരുന്നു. ഏറ്റുമുട്ടലിനിടെ പരിക്കേറ്റ 26 പേരെ ആശുപത്രിയിൽ പ്രവേശിപ്പിച്ചു. ഇവരിൽ മൂന്നു പേരുടെ നില ഗുരുതരമാണെന്നാണ് റിപ്പോർട്ട്. "ആളപായമൊന്നും ഇല്ലെങ്കിലും ഇതൊരു ദുരന്തമല്ലെന്ന് പറയാൻ കഴിയില്ലെന്ന് ക്വെറെറ്റാരോ ഗവർണർ മൗറീഷ്യോ കുരി പറഞ്ഞു.
അക്രമത്തിന് കാരണക്കാരായവരെ മാതൃകാപരമായി ശിക്ഷിക്കുമെന്ന് ലിഗ എംഎക്സ് പ്രസിഡന്റ് മൈക്കൽ അരിയോള പറഞ്ഞു. അക്രമത്തെ അസ്വീകാര്യവും അസഹനീയവുമാണ് എന്ന് ഫിഫ വിശേഷിപ്പിച്ചു.
മെക്സിക്കോയിൽ ഫുട്ബോൾ മത്സരത്തിനിടെ ഏറ്റുമുട്ടൽ; 26 പേർക്ക് പരിക്ക്
05:02 AM Mar 07, 2022 | Deepika.com