കൊയിലാണ്ടി: ഒരു വർഷം മുന്പ് ഉദ്ഘാടനം ചെയ്ത കേരളാഫീഡ്സിന്റെ തിരുവങ്ങൂരെ കാലിത്തീറ്റ ഫാക്ടറിയിൽ മാർച്ച് അവസാനത്തിനുമുന്പ് ഉത്പാദനം ആരംഭിക്കുമെന്ന് ക്ഷീരവികസന മന്ത്രി കെ. രാജു.
കാലിത്തീറ്റ ഫാക്ടറിയിൽ പരിശോധന നടത്തി ഉദ്യോഗസ്ഥരും ജനപ്രതിനിധികളുമായി ചർച്ച നടത്തിയതിനുശേഷം പ്രസംഗിക്കുകയായിരുന്നു മന്ത്രി. കെട്ടിടത്തിന് നന്പർ ലഭിക്കാനുള്ള സാങ്കേതികപ്രശ്നങ്ങൾ ഏതാണ്ട് പരിഹരിച്ചു കഴിഞ്ഞിട്ടുണ്ട്.
കെട്ടിടനന്പർ ലഭിച്ചുകഴിഞ്ഞാൽ വൈദ്യുതി ലഭിക്കാനായി കെ. ദാസൻഎംഎൽഎയുടെ നേതൃത്വത്തിൽ വൈദ്യുതി ഉദ്യോഗസ്ഥരുടെ യോഗം വിളിച്ചുചേർക്കും.
തിരുവങ്ങുർ യൂണിറ്റ് ഉദ്ഘാടനം ചെയ്ത ശേഷം ആരേയും പുതുതായി ജോലിക്ക് നിയമിച്ചിട്ടില്ല. പുതിയ നിയമനത്തെ കുറിച്ചല്ല ഫാക്ടറിയിൽ ഉത്പാദനം ആരംഭിക്കുന്നതിനെക്കുറിച്ചാണ് സർക്കാർ ആലോചിക്കുന്നതെന്നും മന്ത്രി പറഞ്ഞു.
എംഎൽഎ മാരായ കെ. ദാസൻ, ഇ.കെ. വിജയൻ, ചേമഞ്ചേരി പഞ്ചായത്ത് പ്രസിഡന്റ് അശോകൻ കോട്ട്, ബ്ലോക്ക് പഞ്ചായത്തംഗം വിജയൻ കണ്ണഞ്ചേരി, എം. നാരായണൻ തുടങ്ങിയർ മന്ത്രിയോടൊപ്പമുണ്ടായിരുന്നു.
തിരുവങ്ങൂർ കാലിത്തീറ്റ ഫാക്ടറി മാർച്ചിൽ ഉത്പാദനം ആരംഭിക്കും
01:02 AM Jan 07, 2017 | Deepika.com