ന്യൂയോർക്ക്: ഉപഗ്രഹ ഇന്റർനെറ്റ് സംവിധാനമായ സ്റ്റാർലിങ്ക് റഷ്യന് ആക്രമണ ഭീഷണി നേരിടുന്നതായി സ്പേസ് എക്സ് സിഇഒ ഇലോണ് മസ്ക്. യുദ്ധം മൂലം രാജ്യത്തു ഇന്റർനെറ്റ് തടസം നേരിടുന്ന സാഹചര്യത്തിൽ യുക്രെയ്നിൽ സ്റ്റാർലിങ്ക് ലഭ്യമാക്കിയിരുന്നു.
"ഏതുനേരത്തും സ്റ്റാര് ലിങ്കിനുനേരെ സൈബര് ആക്രമണത്തിന് സാധ്യതയുണ്ട്. അത്യാവശ്യമുള്ളപ്പോള് മാത്രം സ്റ്റാര് ലിങ്ക് ആക്ടിവേറ്റ് ചെയാന് ശ്രമിക്കണം. ഉപയോക്താക്കള് ജാഗ്രത പാലിക്കണം'- ഇലോൺ മസ്ക് ട്വിറ്ററിലൂടെ മുന്നറിയിപ്പ് നൽകി.
യുക്രെയ്ൻ ഐടി മന്ത്രിയുടെ അഭ്യർഥന പ്രകാരമാണ് ഇലോൺ മസ്ക് സ്റ്റാർലിങ്ക് യുക്രെയ്നിൽ ലഭ്യമാക്കിയത്. കഴിഞ്ഞ ശനിയാഴ്ച സ്റ്റാർലിങ്ക് യുക്രെയ്നിൽ ആക്ടിവേറ്റ് ചെയ്തു.
സ്റ്റാർലിങ്ക് റഷ്യൻ ആക്രമണ ഭീഷണി നേരിടുന്നതായി എലോൺ മസ്ക്
07:47 AM Mar 04, 2022 | Deepika.com