ചെന്നൈ: യുക്രെയ്നിൽനിന്ന് തമിഴ്നാട് വിദ്യാർഥികളുടെ രക്ഷാപ്രവർത്തനത്തെ ഏകോപിപ്പിക്കാൻ ജനപ്രതിനിധികളുടെ പ്രത്യേകസംഘത്തെ അയക്കുമെന്ന് തമിഴ്നാട്. യുക്രെയ്നിന്റെ അയൽരാജ്യങ്ങളിലേക്കാണ് ഇവർ പോകുന്നത്. ഇതോടെ അന്താരാഷ്ട്ര രക്ഷാപ്രവർത്തനത്തിൽ നേരിട്ട് പങ്കാളികളാവുന്ന ആദ്യ ഇന്ത്യൻ സംസ്ഥാനമായി മാറുകയാണ് തമിഴ്നാട്.
രാജ്യസഭാ എംപിമാരായ ട്രിച്ചി ശിവ, എം.എ. അബ്ദുള്ള, ലോക്സഭാ എംപി കലാനിധി വീരസാമി, എംഎൽഎ ആയ ടി.ആർ.ബി. രാജ എന്നിവരാണ് സംഘത്തിലുള്ളത്. നാല് മുതിർന്ന ഐഎഎസ് ഉദ്യോഗസ്ഥൻമാരും ഇവരെ അനുഗമിക്കും.
യുക്രെയ്നിന്റെ അയൽരാജ്യങ്ങളായ ഹംഗറി, റൊമേനിയ, പോളണ്ട്, സ്ലോവാക്യ എന്നീ രാജ്യങ്ങളിലൂടെ വിദ്യാർഥികളെ തിരികെയെത്തിക്കാനുള്ള പ്രവർത്തനങ്ങൾക്ക് ഇവർ നേതൃത്വം നൽകും.
രക്ഷാദൗത്യത്തിന് പ്രതിനിധി സംഘത്തെ അയക്കുമെന്ന് തമിഴ്നാട്
07:56 PM Mar 03, 2022 | Deepika.com