ന്യൂഡൽഹി: റഷ്യ-യുക്രെയ്ൻ യുദ്ധത്തിന്റെ പശ്ചാത്തലത്തില് പ്രധാനമന്ത്രി നരേന്ദ്ര മോദി റഷ്യന് പ്രസിഡന്റ് വ്ളാഡിമിര് പുടിനുമായി ഇന്ന് രാത്രി വീണ്ടും ആശയവിനിമയം നടത്തും. വിദ്യാർഥികളടക്കമുള്ള ഇന്ത്യൻ പൗരൻമാരെ തിരികെയെത്തിക്കുന്ന കാര്യം ചർച്ച ചെയ്യാനാണ് മോദി പുടിനുമായി അടിയന്തരമായി ഫോണിൽ സംസാരിക്കുന്നത്. ഇന്ത്യ ആവശ്യപ്പെട്ട പ്രകാരമാണ് ചർച്ച.
അതേസമയം, യുക്രെയ്നിലെ കാര്കീവിലെ ഇന്ത്യക്കാരോട് ഉടൻ തന്നെ ഇവിടം വിടാന് മുന്നറിയിപ്പ് നല്കിയിരിക്കുകയാണ് എംബസി. ബസും ട്രെയിനും കാത്തുനിന്ന് സമയം കളയരുതെന്നും കാല്നടയായെങ്കിലും കാര്കിവ് വിടണമെന്നുമാണ് നിര്ദേശം. പെസോചിൻ, ബബയെ, ബെസ്ലുഡോവ്ക എന്നിവിടങ്ങളിലേക്ക് മാറാനാണ് എംബസി പറഞ്ഞിരിക്കുന്നത്.
മോദി ഇന്ന് രാത്രി പുടിനുമായി സംസാരിക്കും
08:14 PM Mar 02, 2022 | Deepika.com