തിരുവനന്തപുരം: ആറ്റിങ്ങൽ കോരാണി പതിനെട്ടാം മൈലിന് സമീപം ലോറിയും ബൈക്കും കൂട്ടിയിടിച്ചുകത്തി. അപകടത്തിൽ ബൈക്ക് യാത്രികൻ മരിച്ചു. മൂന്നു പേർക്ക് പരിക്കേറ്റു. അപകടത്തിൽ തീപിടിച്ച ബൈക്ക് പൂർണമായും ലോറി ഭാഗീകമായും കത്തിനശിച്ചു.
ആറ്റിങ്ങൽ തച്ചൂർക്കുന്ന് സ്വദേശി അച്ചു ആണ് മരിച്ചത്. കഴക്കൂട്ടം മരിയൻ എൻജിനീയറിംഗ് കോളജ് വിദ്യാർഥിയാണ്. കൂടെ ബൈക്കിൽ യാത്ര ചെയ്ത ആസിഫ്, ലോറി ഡ്രൈവർ, ലോറിയിലുണ്ടായിരുന്ന മറ്റൊരാൾ എന്നിവർക്കാണ് പരിക്കേറ്റത്.
ബുധനാഴ്ച രാവിലെ എട്ടരയോടെ ദേശീയപാതയിൽ രേവതി ആഡിറ്റോറിയത്തിന് സമീപമായിരുന്നു അപകടം. പരിക്കേറ്റവരെ മെഡിക്കൽ കോളജാശുപത്രിയിൽ പ്രവേശിപ്പിച്ചു. ആറ്റിങ്ങൽ ഭാഗത്ത് നിന്നും തിരുവനന്തപുരത്തേക്ക് പോകുകയായിരുന്ന ലോറി എതിർദിശയിൽ നിന്നും വരികയായിരുന്ന ബൈക്കുമായി കൂട്ടിയിടിക്കുകയായിരുന്നുവെന്ന് പോലീസ് പറഞ്ഞു.
ലോറിയും ബൈക്കും കൂട്ടിയിടിച്ചുകത്തി; ബൈക്ക് യാത്രികൻ മരിച്ചു
10:38 AM Mar 02, 2022 | Deepika.com