ക്രൈസ്റ്റ്ചർച്ച്: ദക്ഷിണാഫ്രിക്കയ്ക്കെതിരായ ഒന്നാം ക്രിക്കറ്റ് ടെസ്റ്റിൽ ന്യൂസിലൻഡ് ഇന്നിംഗ്സിനും 276 റണ്സിനും വിജയിച്ചു. രണ്ടാം ഇന്നിംഗ്സിൽ ദക്ഷിണാഫ്രിക്ക 111 റണ്സിന് പുറത്തായി. രണ്ടു ദിവസത്തിലധികം ബാക്കിനിൽക്കേയാണ് മത്സരത്തിൽ ദക്ഷിണാഫ്രിക്ക ദയനീയ തോൽവി ഏറ്റുവാങ്ങിയത്.
അഞ്ച് വിക്കറ്റ് വീഴ്ത്തിയ ടിം സൗത്തിയാണ് രണ്ടാം ഇന്നിംഗ്സിൽ ദക്ഷിണാഫ്രിക്കയെ തകർത്തത്. മാറ്റ് ഹെൻട്രി, നീൽ വാഗ്നർ എന്നിവർ രണ്ടുവീതം വിക്കറ്റുകൾ നേടി. 41 റണ്സ് നേടിയ ടെമ്പ ബാവുമയാണ് ദക്ഷിണാഫ്രിക്കയുടെ ടോപ്പ് സ്കോറർ. ആദ്യ ഇന്നിംഗ്സിൽ ദക്ഷിണാഫ്രിക്ക 95 റണ്സിന് ഓൾഔട്ടായിരുന്നു.
മത്സരത്തിൽ ഒൻപത് വിക്കറ്റും ആദ്യ ഇന്നിംഗ്സിൽ അർധ സെഞ്ചുറിയും നേടിയ കിവീസ് പേസർ മാറ്റ് ഹെൻട്രിയാണ് മാൻ ഓഫ് ദ മാച്ച്.
സ്കോർ: ദക്ഷിണാഫ്രിക്ക ഒന്നാം ഇന്നിംഗ്സ് 95, രണ്ടാം ഇന്നിംഗ്സ് 111. ന്യൂസിലൻഡ് ഒന്നാം ഇന്നിംഗ്സ് 482 .
ക്രൈസ്റ്റ്ചർച്ചിൽ കിവീസിന് മിന്നും ജയം
01:16 PM Feb 19, 2022 | Deepika.com