ഹൈദരാബാദ്: ഐപിഎല് ഫ്രാഞ്ചൈസി സണ്റൈസേഴ്സ് ഹൈദരാബാദിന്റെ സഹ പരിശീലക സ്ഥാനം രാജിവച്ച് സൈമൺ കാറ്റിച്ച്. മെഗാ താര ലേലത്തിനു മുമ്പ് താന് നല്കിയ നിര്ദേശങ്ങളും പദ്ധതികളും ടീം അവഗണിച്ചതിനെ തുടര്ന്നാണ് കാറ്റിച്ചിന്റെ രാജിയെന്ന് ഓസ്ട്രേലിയന് മാധ്യമങ്ങള് റിപ്പോര്ട്ട് ചെയ്യുന്നു.
ടീം മാനേജ് ചെയ്യുന്ന രീതിയിലും സൈമണിന് അതൃപ്തിയുണ്ടെന്നാണ് ലഭിച്ച വിവരം. മുന് ഓസ്ട്രേലിയന് താരം ടീമുമായി സഹകരിക്കുന്നത് അവസാനിപ്പിച്ചുവെന്നത് സൺറൈസേഴ്സ് ഫ്രാഞ്ചൈസി സ്ഥിരീകരിച്ചിട്ടുണ്ട്. എന്നാൽ വ്യക്തിപരമായ കാരണങ്ങളും ബയോ-സുരക്ഷ നിയന്ത്രണങ്ങളുമാണ് ഫ്രാഞ്ചൈസി കാരണമായി പറഞ്ഞിരിക്കുന്നത്.
ടീമിന്റെ മുഖ്യ പരിശീലകനും മുന് ഓസീസ് താരവുമായിരുന്ന ടോം മൂഡിയാണ് കാറ്റിച്ചിനെ സഹപരിശീലകനായി സണ്റൈസേഴ്സിലെത്തിച്ചത്.
ലേലത്തിലെ അതൃപ്തി; സൺറൈസേഴ്സിന്റെ സഹപരിശീലക സ്ഥാനം രാജിവച്ച് സൈമൺ കാറ്റിച്ച്
04:13 AM Feb 19, 2022 | Deepika.com