തിരുവനന്തപുരം: നിലവിലെ സാഹചര്യത്തിൽ സംസ്ഥാനത്തു കോണ്ഗ്രസ് സംഘടനാ തെരഞ്ഞെടുപ്പിനു സാധ്യതയില്ലെന്നു കെപിസിസി പ്രസിഡന്റ് കെ. സുധാകരൻ. കഴിവും പ്രാപ്തിയുമുള്ള നേതാക്കൾ അഭിപ്രായ സമന്വയത്തിലൂടെ ഭാരവാഹികളായി വരാനാണു സാധ്യത.
ഇപ്പോഴുള്ളവരിൽ ചിലർ തുടരാൻ സാധ്യതയുണ്ട്. സംഘടനാ തെരഞ്ഞെടുപ്പു നടത്തണമെന്നാണു തന്റെ വ്യക്തിപരമായ അഭിപ്രായം. എങ്കിലും ഇക്കാര്യത്തിൽ ഹൈക്കമാൻഡിന്റെ അനുമതി കെപിസിസി നേതൃത്വം തേടും. അന്തിമ തീരുമാനം ഹൈക്കമാൻഡിന്റേതായിരിക്കുമെന്നും സുധാകരൻ പറഞ്ഞു.
കോണ്ഗ്രസ് പുനഃസംഘടനാ നടപടികൾ ഈ മാസം അവസാനത്തോടെ പൂർത്തിയാക്കും. ഗ്രൂപ്പ് അടിസ്ഥാനത്തിലാകില്ല ഭാരവാഹികളെ കണ്ടെത്തുന്നത്. കഴിയും പ്രാപ്തിയും തന്നെയാണു ഘടകം. വരുന്ന തെരഞ്ഞെടുപ്പുകളെ നേരിടാൻ കഴിവുള്ളവരാകും തലപ്പത്തു വരിക. പുനഃസംഘടനയ്ക്കു ഹൈക്കമാൻഡ് അനുമതിയുണ്ടെന്നും കെ. സുധാകരൻ കൂട്ടിച്ചേർത്തു.
സംഘടനാ തെരഞ്ഞെടുപ്പിനു സാധ്യതയില്ലെന്നു കെ. സുധാകരൻ
07:35 PM Feb 18, 2022 | Deepika.com