ന​ടി ആ​ക്ര​മി​ക്ക​പ്പെ​ട്ടി​ട്ട് അ​ഞ്ച് വ​ർ​ഷം; അന്നത്തെ ആ ഫോൺ എവിടെപ്പോയി?

കൊ​ച്ചി: യു​വ​ന​ടി​യെ ആ​ക്ര​മി​ച്ച സം​ഭ​വം ന​ട​ന്നി​ട്ട് ഇ​ന്ന് അ​ഞ്ച് വ​ർ​ഷം. കേ​സി​ന്‍റെ വി​ചാ​ര​ണ ന​ട​പ​ടി​ക​ള്‍ അ​വസാ​ന​ഘ​ട്ട​ത്തി​ല്‍ നി​ല്‍​ക്കെ സം​വി​ധാ​യ​ക​ന്‍ ബാ​ല​ച​ന്ദ്ര​കു​മാ​റി​ന്‍റെ പു​തി​യ വെ​ളി​പ്പെ​ടു​ത്ത​ലു​ക​ളും ആ​ക്ര​മി​ക്ക​പ്പെ​ട്ട ന​ടി നീ​തി​തേ​ടി രാഷ്‌ട്രപ​തി​ക്ക് ഉ​ള്‍​പ്പെ​ടെ ന​ല്‍​കി​യ ക​ത്തു​മാ​ണ് ന​ട​ന്‍ ദി​ലീ​പ് എ​ട്ടാം പ്ര​തി​യാ​യ കേ​സി​ലെ നി​ല​വി​ലെ ച​ര്‍​ച്ച​ക​ള്‍.

2017 ഫെ​ബ്രു​വ​രി 17ന് ​പു​ല​ര്‍​ച്ചെ​യാ​ണ് കേ​സി​നാ​ദ്പ​ദ​മാ​യ സം​ഭ​വം അ​ര​ങ്ങേ​റി​യ​ത്. തൃ​ശൂ​രി​ല്‍​നി​ന്നു കൊ​ച്ചി​യി​ലേ​ക്കു വ​രു​ന്ന​തി​നി​ട‌െ അ​ങ്ക​മാ​ലി അ​ത്താ​ണി​ക്ക് സ​മീ​പം കാ​റി​ല്‍ വ​ച്ചാ​ണ് ന​ടി ആ​ക്ര​മി​ക്ക​പ്പെ​ട്ട​ത്. പെ​രു​മ്പാ​വൂ​ര്‍ കോ​ട​നാ​ട് നെ​ടു​വേ​ലി​ക്കു​ടി സു​നി​ല്‍ കു​മാ​ർ (പ​ള്‍​സ​ര്‍ സു​നി ) 50 ല​ക്ഷം രൂ​പ​യ്ക്ക് ക്വ​ട്ടേ​ഷ​ന്‍ ഏ​റ്റെ​ടു​ത്ത് കൃ​ത്യം നി​ർ​വ​ഹി​ക്കു​ക​യാ​യി​രു​ന്നു​വെ​ന്നാ​ണ് പോ​ലീ​സ് കേ​സ്.

ദി​ലീ​പ് പ​റ​ഞ്ഞി​ട്ടാ​ണ് സു​നി ന​ടി​യെ ആ​ക്ര​മി​ച്ച​തെ​ന്ന് സു​നി​യു​ടെ അ​മ്മ ശോഭ​ന പി​ന്നീ​ടു വെ​ളി​പ്പെ​ടു​ത്തി​യി​രു​ന്നു. സ​ഹ​പ്ര​വ​ര്‍​ത്ത​ക​യെ പീ​ഡി​പ്പി​ക്കാ​ന്‍ ക്വ​ട്ടേ​ഷ​ന്‍ ന​ല്‍​കി​യ സ​മാ​ന​ത​ക​ളി​ല്ലാ​ത്ത കേ​സാ​ണി​തെ​ന്നാ​ണ് പ്രോ​സി​ക്യൂ​ഷ​ന്‍ ഹൈ​ക്കോ​ട​തി​യി​ൽ വ്യ​ക്ത​മാ​ക്കി​യ​ത്.

പീ​ഡ​ന​ ദൃ​ശ്യ​ങ്ങ​ള്‍ പ​ക​ര്‍​ത്തി​യ ഫോ​ണ്‍ ആ​ദ്യം ഓ​ട​യി​ല്‍ ക​ള​ഞ്ഞു​വെ​ന്നാ​ണ് സു​നി മൊ​ഴി ന​ല്‍​കി​യ​ത്. ഇ​തു ക​ണ്ടെ​ത്താ​നാ​കാ​തെ വ​ന്ന​തോ​ടെ സു​നി മൊ​ഴി​മാ​റ്റി. ഫോ​ണ്‍ വ​ക്കീ​ലി​നെ ഏ​ല്‍​പ്പി​ച്ചെ​ന്നു പ​റ​ഞ്ഞു. എ​ന്നാ​ല്‍, ഫോ​ണ്‍ ന​ശി​പ്പി​ച്ച​താ​യാ​ണ് അ​ഭി​ഭാ​ഷ​ക​ന്‍ പോ​ലീ​സി​നു മൊ​ഴി ന​ല്‍​കി​യ​ത്. ഫോ​ണ്‍ ഇ​തു​വ​രെ ക​ണ്ടു​കി​ട്ടി​യി​ട്ടി​ല്ല.

അ​തി​നി​ടെ, ന​ടി​യെ ആ​ക്ര​മി​ച്ച് ചി​ത്രീ​ക​രി​ച്ച ദൃ​ശ്യ​ങ്ങ​ള്‍ പ്ര​തി​ക​ളി​ലേ​ക്ക് എ​ത്തി​യെ​ന്ന​ത​ട​ക്ക​മു​ള്ള ഗൗ​ര​വ​മേ​റി​യ വെ​ളി​പ്പെ​ടു​ത്ത​ലു​ക​ള്‍ പു​റ​ത്തു​വ​ന്നു. നി​ല​വി​ല്‍ കേ​സി​ലെ തു​ട​ര​ന്വേ​ഷ​ണം റ​ദ്ദാ​ക്ക​ണ​മെ​ന്നാ​വ​ശ്യ​പ്പെ​ട്ടു ന​ട​ന്‍ ദി​ലീ​പ് ന​ല്‍​കി​യ ഹ​ര്‍​ജി​യി​ല്‍ ആ​ക്ര​മ​ണ​ത്തി​നി​ര​യാ​യ ന​ടി ക​ക്ഷി​ചേ​രാ​ന്‍ അ​നു​മ​തി തേ​ടി​യി​രി​ക്കു​ക​യാ​ണ്. കേ​സ് നി​ശ്ചി​ത സ​മ​യ​ത്തി​നു​ള്ളി​ല്‍ പൂ​ര്‍​ത്തി​യാ​ക്കേ​ണ്ട​താ​ണ് അ​ന്വേ​ഷ​ണ​ സം​ഘ​ത്തി​നു മു​ന്നി​ലു​ള്ള പ്ര​ധാ​ന വെ​ല്ലു​വി​ളി.