യെ​സ് ബാ​ങ്ക് സ്ഥാ​പ​ക​ന്‍ റാ​ണ ക​പൂ​റി​ന് ജാ​മ്യം

ന്യൂ​ഡ​ല്‍​ഹി: ക​ള്ള​പ്പ​ണം വെ​ളു​പ്പി​ക്ക​ൽ കേ​സി​ൽ യെ​സ് ബാ​ങ്ക് സ്ഥാ​പ​ക​ന്‍ റാ​ണ ക​പൂ​റി​ന് ജാ​മ്യം. മും​ബൈ സെ​ഷ​ൻ​സ് കോ​ട​തി​യാ​ണ് ജാ​മ്യം അ​നു​വ​ദി​ച്ച​ത്. ഉ​പാ​ദി​ക​ളോ​ടെ​യാ​ണ് ജാ​മ്യം. രാ​ജ്യ​വി​ട്ടു​പോ​കാ​ൻ അ​നു​മ​തി​യി​ല്ല. കേ​സ് പ​രി​ഗ​ണി​ക്കു​ന്ന എ​ല്ലാ ദി​വ​സ​വും കോ​ട​തി​യി​ൽ ഹാ​ജ​രാ​ക​ണം. അ​ഞ്ച് ല​ക്ഷം രൂ​പ ജാ​മ്യ​ത്തു​ക കെ​ട്ടി​വ​യ്ക്കു​ക​യും ചെ​യ്യ​ണം.

വ്യ​വ​സാ​യി ഗൗ​തം താ​പ്പ​റി​നും മ​റ്റ് ഏ​ഴു പേ​ർ​ക്കും ഡ​ൽ​ഹി​യി​ലെ പ്ര​ധാ​ന​പ്പെ​ട്ട സ്ഥ​ല​ത്ത് വ​സ്തു വി​റ്റ​തു​മാ​യി ബ​ന്ധ​പ്പെ​ട്ട കേ​സി​ൽ ജാ​മ്യം ല​ഭി​ച്ചു. ക​പൂ​റും താ​പ്പ​റും മ​റ്റ് ചി​ല കേ​സു​ക​ളു​മാ​യി ബ​ന്ധ​പ്പെ​ട്ട് ജു​ഡീ​ഷ​ൽ ക​സ്റ്റ​ഡി​യി​ലാ​യ​തി​നാ​ൽ അ​വ​രെ ഇ​തു​വ​രെ വി​ട്ട​യ​ച്ചി​ട്ടി​ല്ല.

വി​വി​ധ ബാ​ങ്കു​ക​ളി​ല്‍​നി​ന്നാ​യി ആ​കെ 97,000 കോ​ടി രൂ​പ​യോ​ളം വാ​യ്പ​യെ​ടു​ക്കു​ക​യും ഇ​തി​ല്‍ 31,000 കോ​ടി​യും വ​ക​മാ​റ്റി​യെ​ന്നു​മാ​ണ് ആ​രോ​പ​ണം. വ്യാ​ജ ക​മ്പ​നി​ക​ളു​ടെ വ​ലി​യ ശൃം​ഖ​ല​ത​ന്നെ ഇ​തി​നാ​യി ഉ​പ​യോ​ഗി​ച്ചി​ട്ടു​ണ്ടെ​ന്നും അ​ന്വേ​ഷ​ണ ഏ​ജ​ന്‍​സി​ക​ള്‍ ക​ണ്ടെ​ത്തി​യി​രു​ന്നു.

പ്രൊ​മോ​ട്ട​ര്‍ ക​പി​ല്‍ വാ​ധാ​വ​നു​മാ​യി ചേ​ര്‍​ന്ന് യെ​സ് ബാ​ങ്കി​ലെ പ​ണം കൈ​മാ​റു​ന്ന​തി​ല്‍ റാ​ണ ക​പൂ​ര്‍ ഗൂ​ഢാ​ലോ​ച​ന ന​ട​ത്തി​യെ​ന്നും ഈ ​പ​ണം അ​വ​സാ​നം റാ​ണ ക​പൂ​റി​ന്‍റെ കു​ടും​ബ​ത്തി​ന്‍റെ ഉ​ട​മ​സ്ഥ​ത​യി​ലു​ള്ള ഡു​ഇ​റ്റ് അ​ര്‍​ബ​ന്‍ വെ​ഞ്ച്വ​ര്‍​സ് ലി​മി​റ്റ​ഡി​ല്‍ എ​ത്തി​യെ​ന്നു​മാ​യി​രു​ന്നു സി​ബി​ഐ​യു​ടെ പ്ര​ധാ​ന ക​ണ്ടെ​ത്ത​ൽ.

സി​ബി​ഐ അ​ന്വേ​ഷ​ണ​ത്തെ തു​ട​ര്‍​ന്നാ​യി​രു​ന്നു എ​ന്‍​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റ് കേ​സി​ല്‍ അ​ന്വേ​ഷ​ണം ആ​രം​ഭി​ച്ച​ത്. സി​ബി​ഐ​യു​ടെ എ​ഫ്‌​ഐ​ആ​റി​ന്‍റെ അ​ടി​സ്ഥാ​ന​ത്തി​ൽ റാ​ണാ ക​പൂ​ർ, ബി​ന്ദു ക​പൂ​ർ, ഗൗ​തം താ​പ്പ​ർ എ​ന്നി​വ​ർ​ക്കും മ​റ്റ് ഏ​ഴു​പേ​ർ​ക്കു​മെ​തി​രെ എ​ൻ​ഫോ​ഴ്‌​സ്‌​മെ​ന്‍റ് ഡ​യ​റ​ക്ട​റേ​റ്റ് (ഇ​ഡി) ക​ള്ള​പ്പ​ണം വെ​ളു​പ്പി​ക്ക​ൽ കേ​സ് ഫ​യ​ൽ ചെ​യ്തു.