കോൽക്കത്ത: വെസ്റ്റ് ഇൻഡീസിനെതിരായ ട്വന്റി-20യിൽ ഇന്ത്യയ്ക്ക് 158 റണ്സ് വിജയലക്ഷ്യം. ടോസ് നഷ്ടപ്പെട്ട് ബാറ്റിംഗിനിറങ്ങിയ വിൻഡീസ് നിശ്ചിത 20 ഓവറിൽ ഏഴ് വിക്കറ്റ് നഷ്ടത്തിൽ 157 റണ്സെടുത്തു.
നിക്കോളാസ് പൂരന്റെ അർധ സെഞ്ചുറിയാണ് വിൻഡീസിന് കരുത്തായത്. 43 പന്തിൽ അഞ്ച് സിക്സും നാല് ഫോറും ഉൾപ്പെടെ 61 റണ്സാണ് പൂരൻ നേടിയത്.
പൂരന് കൈൽ മേയേഴ്സും പിന്തുണ നൽകി. മേയേഴ്സ് 24 പന്തിൽ 31 റണ്സെടുത്തു. പൂരനും മേയേഴ്സനും ചേർന്ന് 47 റണ്സിന്റെ കൂട്ടുകെട്ടാണ് പടുത്തുയർത്തത്. ഇതാണ് വിൻഡീസിന് കരുത്തായത്.
അകേൽ ഹൊസൈൻ 10 റണ്സും നേടി. നായകൻ പൊള്ളാർഡ് 19 പന്തിൽ 24 റണ്സെടുത്തു പുറത്താകാതെ നിന്നു. വിൻഡീസ് നിരയിൽ നാല് പേർക്ക് മാത്രമാണ് രണ്ടക്കം കാണാൻ സാധിച്ചത്.
ഇന്ത്യയ്ക്കായി അരങ്ങേറ്റം കുറിച്ച രവി ബിഷ്ണോയി നാല് ഓവറിൽ 17 റണ്സ് വഴങ്ങി രണ്ട് വിക്കറ്റ് വീഴ്ത്തി. ഹർഷൽ പട്ടേലും രണ്ട് വിക്കറ്റ് നേടി.
ഇന്ത്യയ്ക്ക് 158 റണ്സ് വിജയലക്ഷ്യം; ബിഷ്ണോയിക്ക് രണ്ട് വിക്കറ്റ്
09:24 PM Feb 16, 2022 | Deepika.com